ސިންގަޕޯރ އެއަރލައިންސްއިން ކާގޯ އުފުލުމުގައި ކޯވިޑް ވެކްސިންއަށް ޚާއްސަ އިސްކަމެއްދެނީ
5 ޑިސެމްބަރު 2020 | ހޮނިހިރު 13:48ވެކްސިން ފޯރުކޮށްދިނުމަށްޓަކައި ވެކްސިން އުފައްދާ ކުންފުނިތަކާއި އެކު ދަނީ މަޝްވަރާ ކުރަމުން
ސިންގަޕޯރ އެއަރލައިންސްގެ ފްލައިޓެއް
ކޮވިޑް-19 ވެކްސިން ލިބެންފެށުމުން ސިންގަޕޯރ އެއަރލައިންސް އިން ކާގޯ އުފުލުމުގައި ވެކްސިންއަށް ޚާއްސަ އިސްކަމެއްދޭ ގޮތަށް ހަމަޖއްސައިފިއެވެ.
ސިންގަޕޯ އެއަލައިންސްއިން ބުނެފައިވަނީ ވެކްސިން އުފުލުމަށް ބޮއިން-47 ގެ ހަތް އެއަރކްރާފްޓް ތައްޔާރު ކުރާނެ ކަމަށާއި މީގެ އިތުރަށް ބޭނުން ޖެހިއްޖެ ނަމަ ޕަސެންޖަރ ޕްލޭންސްވެސް ބޭނުން ކުރަމުންދާނެ ކަމަށެވެ.
ފާއިތުވި މަސްތަކުގައި ދަނީ އެކި ގައުމުތަކަށް ފާމަސޫޓިކަލް އުފުލުގައި ސިންގަޕޯރ އެއަރލައިންގެ ޕްލައިޓްތައް ބޭނުންކުރަމުންނެވެ.
ކޮވިޑް-19 ވެކްސިން ފޯރުކޮށްދިނުމަށްޓަކައި މިހާރުވެސް ވެކްސިން އުފައްދާ ކުންފުނިތަކާއި މަޝްވަރާ ކުރެވެމުންދާ ކަމަށް އެ އައަރލައިން އިން ބުންޏެވެ.
ވެކްސިންގެ ގިނަ ޑޯޒްތަކުގެ ފިނިހޫނުމިން ހިފެހެއްޓޭވަރުގެ ގާބިލުކަން ހުރި ކޮންޓެއިނަރތައް ހޯދުމުގެ މަސައްކަތް އެ އަރލައިން އިން ދަނީ ކުރަމުންނެވެ.
އެގޮތުން މޮޑާނާ އިން އުފައްދާ ކޮވިޑް- 19 ވެކްސިން އެއްތަނުން އަނެއްތަނަށް ގެންދާއިރު 20 ޑިގްރީ ސެލްސިއަސްގައި ރައްކައު ކޮށްފައި ބަހައްޓަން ޖެހެއެވެ. ފައިޒާ/ ބައޯއެންޓެކް ވެކްސިން 70 ޑިގްރީ ސެލްސިއަސްގައި ބަހައްޓަންޖެހެއެވެ.
ސިންގަޕޯރ އެއަރލައިންސް އިން ދަނީ ފާއިތުވި މަސްތަކުގައި އެކި ގައުމުތަކަށް 22،000 އެއްހާ ޓަނުގެ ފާމަސޫޓިކަލް ކާގޯ ޝިޕްމަންޓް އެކި ހިސާބުތަކަށް އުފުލަމުންނެވެ.
