މިހާރު ކުރިއަށްދާ ކުލަބު މޯލްޑިވްސް ފުޓުބޯޅަ މުބާރާތުގެ ގަދަ 16 އަށް ދަތުރުކުރި ޓީމުތައް ވާދަކުރަންޖެހޭ ޓީމުތައް ކަނޑައެޅުމަށް ގުރުނަގައިފިއެވެ.
ގަދަ 16 އަށް ދިޔަ ޓީމްތަކުގެ މެދުގައި ގުރުނަގާފައިވަނީ ހޯމަ ދުވަހު އެފްއޭއެމް ހައުސްގަ އެވެ. އަދި ވާދަކުރާނެ ޓީމުތައް ވަނީ ކަނޑައަޅާފައެވެ.
އެގޮތުން އެންމެ ފަހުގެ ޗެމްޕިއަން ބީއެމްއެލް އާ ކަސްޓަމްސް ރެކްރިއޭޝަން ކްލަބު ކުޅޭއިރު، ސިފައިން ކުޅެން ޖެހެނީ ސްޓެލްކޯއާ އެވެ.
މިބުރުގައި އެޗްޑީސީ ނުކުންނާނީ އެމްއޭސީއެލް އާއި ދެކޮޅަށެވެ. އަދި ހައުސިންގް މިނިސްޓްރީ ނުކުންނާނީ އެމްޓީސީސީއާ ދެކޮޅަށެވެ.
ޓީމް ފެނަކަ އެލައިޑާ ކުޅޭއިރު އެމްޕީއެލް ވާދަކުރާނީ ޕޮލިސް ކުލަބާ އެވެ.
އެމްއާރްޑީސީ މޯލްޑިވިއަންއާއި ދެކޮޅަށް ނުކުންނައިރު، އެސްޓީއޯ ގަދަ 16 ގައި ކުޅެން ޖެހެނީ ސިވިލް ކޯޓާއި ދެކޮޅަށެވެ.
