ހޯމަ 25 ޖެނުއަރީ 2021
7 ހުވަން
1442 ޖުމާދުލް އާހިރަތު 11
ފަތިސް 05:04
އިރުއަރާ 06:18
މެންދުރު 12:22
އަސްރު 15:42
އިރުއޮއްސޭ 18:18
އިޝާ 19:33
ފްރެންޗް ލީގު

ޕީއެސްޖީ އާއި ބޯޑޯގެ ކުރިމަތިލުން އެއްވަރު

  • ޕީއެސްޖީ އާއި ބޯޑޯ ބައްދަލުކުރި މެޗު އެއްވަރުވީ 2-2 ގެ ނަތީޖާއަކުން
  • ޕީއެސްޖީ އޮތީ އެއްވަނައިގައި 25 ޕޮއިންޓާއެކު

ކ. މާލެ | 29 ނޮވެންބަރ 2020 | އާދީއްތަ 12:32 | 2,244

ޕީއެސްޖީ އާއި ބޯޑޯ ބައްދަލުކުރި މެޗުގެ ތެރެއިން: މި މެޗު އެއްވަރުވީ 2-2 ން - ގެޓީ އިމޭޖާސް

ފްރެންޗް ލީގުގައި ހޮނިހިރު ދުވަހުގެރޭ އެންމެ ފަހުގެ ޗެމްޕިއަން ޕީއެސްޖީ އާއި ބޯޑޯ ބައްދަލުކުރި މެޗު އެއްވަރުވެގެން ނިމިއްޖެއެވެ.

ޕީއެސްޖީގެ ދަނޑުގައި ކުޅުނު މި މެޗު އެއްވަރުވީ 2-2 ގެ ނަތީޖާއަކުންނެވެ.

ދެ ޓީމުގެ ފަރާތުންވެސް ހަމަހަމަ ކުޅުމެއް ފެނިގެންދިޔަ މި މެޗުގެ 10 ވަނަ މިނެޓުގައި ބޯޑޯއިން ވަނީ ލީޑު ނަގާފައެވެ. މިއީ ޕީއެސްޖީގެ ޓިމޮތީ ޕެމްބެލޭ އަތުން ބައިކޮޅަށް ވަން ލަނޑެކެވެ.

އެކަމަކު ފުރަތަމަ ހާފުގައި ޕީއެސްޖީން ވަނީ ގާތްގާތުގައި ދެ ލަނޑު ޖަހާ އެ ޓީމު ކޮޅަށް ނަތީޖާ އަނބުރާލާފައެވެ. އެގޮތުން މެޗުގެ 27 ވަނަ މިނެޓުގައި ލިބުނު ޕެނަލްޓީއަކުން ޕީއެސްޖީއަށް ނަތީޖާ އެއްވަރުކޮށްދިނީ ނޭމާއެވެ. މިއީ އޭރިއާ ތެރެއިން ނޭމާއަށް ބޯޑޯގެ އޮޓާވިއޯ ކުރި ފައުލަކަށް ރެފުރީ ދިން ޕެނަލްޓީއެކެވެ. އަދި އޭގެ މިނެޓެއް ފަހުން ޕީއެސްޖީއަށް ލީޑު ނަގައިދިނީ މޮއިސް ކީނެވެ.

މެޗުގެ ދެވަނަ ހާފުގައި ޕީއެސްޖީގެ ފަރާތުން އާދައިގެ ކުޅުމެއް ފެނިގެންދިޔައިރު، ބޯޑޯއިން ނަތީޖާ އެއްވަރުކޮށްފައިވަނީ 60 ވަނަ މިނެޓުގައެވެ. މި ލަނޑު އެ ޓީމަށް ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެންއެރި ޔަސީން އަދްލީއެވެ.

މި މެޗު އެއްވަރުވި ނަމަވެސް، ޕީއެސްޖީ އޮތީ ތާވަލުގެ އެއްވަނައިގައި ކުޅުނު 12 މެޗުން ލިބުނު 25 ޕޮއިންޓާއެކުއެވެ. ދެވަނައިގައި އޮތް ލިލްއަށް 11 މެޗުން ލިބިފައިވަނީ 22 ޕޮއިންޓެވެ. އަދި ޕީއެސްޖީއާ އެއްވަރުކުރި ބޯޑޯ އޮތީ ތާވަލުގެ 11 ވަނައިގައި 12 މެޗުން 16 ޕޮއިންޓާއެކުއެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.