ކ. މާލެ
|
24 ނޮވެންބަރ 2020 | އަންގާރަ 08:43
ރާއްޖޭގެ ގެސްޓް ހައުސްތަކުގެ 2,132 އެނދު މިހާރު އޮޕަރޭޓްކުރޭ
ރާއްޖޭގެ ގެސްޓް ހައުސްތަކުގެ 2,132 އެނދު މިހާރު އޮޕަރޭޓްކުރޭ
މޯލްޑިވްސް މެގަޒިން
ގެސްޓް ހައުސްތައް އަލުން ހުޅުވުން
100 އަށް ވުރެ ގިނަ ގެސްޓް ހައުސް އޮޕަރޭޓް ކުރުމުގެ ހުއްދަ ދީފި
 
އެންމެ ގިނަ އަދަދެއްގެ ގެސްޓް ހައުސް ހުޅުވާފައި ވަނީ އއ. ތޮއްޑޫގައި
 
މިހާތަނަށް 102 ގެސްޓް ހައުސްއެއް އޮޕަރޭޓްކުރުމުގެ ހުއްދަ ވަނީ ދީފައި
 
މިހާތަނަށް އަށް އަތޮޅެއްގެ 23 ރަށެއްގައި ގެސްޓް ހައުސްތައް ވަނީ ހުޅުވާފައި

ކޮވިޑް-19 ގެ ސަބަބުން ރާއްޖޭގެ ބޯޑަރު ބަންދުކޮށްފައި އޮތުމަށް ފަހު އަލުން ހުޅުވާލުމުގެ ހުއްދަ ދެވުމާއި އެކު މިހާތަނަށް 100 އަށް ވުރެ ގިނަ ގެސްޓް ހައުސް އޮޕަރޭޓް ކުރުމުގެ ހުއްދަ ދީފިއެވެ.

ޓޫރިޒަމް މިނިސްޓްރީ އިން އާންމުކޮށްފައިވާ ތަފާސްހިސާބުތައް ދައްކާގޮތުން، އޮގަސްޓްމަހުގެ 15 ވަނަ ދުވަހު ގެސްޓް ހައުސްތައް ހުޅުވާލަން ހުއްދަ ދެވުމާއި އެކު ނޮމެވްބަރ މަހުގެ 21 ވަނަ ދުވަހުގެ ނިޔަލަށް ރާއްޖޭގެ އަށް އަތޮޅެއްގެ 23 ރަށެއްގައި މިހާރު ވަނީ ގެސްޓް ހައުސްތައް ހުޅުވާފައެވެ.

އެގޮތުން މިހާތަނަށް ގެސްޓްހައުސްތައް ހުޅުވާފައިވާ ރަށްތަކަކީ؛

ނ. ފޮއްދޫ - 1 ގެސްޓް ހައުސް

ބ. ދަރަވަންދޫ - 2 ގެސްޓް ހައުސް

ބ. ފިނޮޅަސް - 1 ގެސްޓް ހައުސް

ބ. ކަމަދޫ - 3 ގެސްޓް ހައުސް

ކ. ގާފަރު - 1 ގެސްޓް ހައުސް

ކ. ގުޅި - 2 ގެސްޓް ހައުސް

ކ. ގުރައިދޫ - 6 ގެސްޓް ހައުސް

ކ. ހިންމަފުށި - 3 ގެސްޓް ހައުސް

ކ. ހުރާ - 8 ގެސްޓް ހައުސް

ކ. މާފުށި - 11 ގެސްޓް ހައުސް

ކ. ތުލުސްދޫ - 6 ގެސްޓް ހައުސް

އއ. މަތިވެރި - 3 ގެސްޓް ހައުސް

އއ. ރަސްދޫ - 5 ގެސްޓް ހައުސް

އއ. ތޮއްޑޫ - 17 ގެސްޓް ހައުސް

އއ. އުކުޅަސް - 9 ގެސްޓް ހައުސް

އދ. ދިގުރަށް - 5 ގެސްޓް ހައުސް

އަދ. އޮމަދޫ - 1 ގެސްޓް ހައުސް

ވ. ފުލިދޫ - 7 ގެސްޓް ހައުސް

ވ. ކެޔޮދޫ - 3 ގެސްޓް ހައުސް

ވ. ތިނަދޫ - 2 ގެސްޓް ހައުސް

ޏ. ފުވައްމުލައް - 4 ގެސްޓް ހައުސް

ސ. ފޭދޫ - 1 ގެސްޓް ހައުސް

ސ. މަރަދޫ ފޭދޫ - 1 ގެސްޓް ހައުސް

މިހާތަނަށް އެންމެ ގިނަ އަދަދެއްގެ ގެސްޓް ހައުސް ތޮއްޑޫގައި ހުޅުވާފައިވާ އިރު، ފަތުރުވެރިންނަށް ހިދުމަތް ދިނުމަށް ގެސްޓްހައުސްތަކުގައި 2,132 އެނދު މިހާރު އޮޕަރޭޓްކުރެއެވެ. މީގެތެރެއިން 1,028 އެނދު ކ. އަތޮޅުގެ ގެސްޓް ހައުސްތައް ހިއްސާކުރާއިރު، ނ. އަތޮޅުގެ ގެސްޓް ހައުސްތައް ހިއްސާ ކުރަނީ 24 އެނދެވެ. ބ. އަތޮޅުގައި 154 އެނދު އޮޕަރޭޓް ކުރަމުންދާ އިރު، އއ. އަތޮޅުގައި 474 އެނދު އަދި އއ. އަތޮޅުގައި 170 އެނދު އޮޕަރޭޓްކުރެއެވެ. މީގެ އިތުރުން ވ. އަތޮޅުގައި 210 އެނދެއް މިހާރު އޮޕަރޭޓް ކުރަމުންދާ އިރު، ޏ. އަތޮޅާއި ސ. އަތޮޅުގައި މިވަގުތު އޮޕަރޭޓްކުރަމުން ދަނީ 36 އެނދެވެ.

ބޯޑަރު ހުޅުވާލިފަހުން މިހާރު ޖުމްލަ 356 ޓޫރިސްޓް އެކޮމަޑޭޝަން ފެސިލިޓީއެއް އޮޕަރޭޓް ކުރަމުންދާއިރު، މިއީ 102 ގެސްޓް ހައުސްގެ އިތުރުން، 126 ރިސޯޓާއި ފަސް ހޮޓާ އަދި 123 ސަފާރީއެވެ. މިހާރު ރާއްޖެ އިން ޖުމްލަ 34,116 އެނދު ދަނީ ފަތުރުވެރިންނަށް ހިދުމަތްދިނުމަށް އޮޕަރޭޓް ކުރަމުންނެވެ.

އެއީ ގެސްޓް ހައުސްތަކުގެ 2,132 އެނދުގެ އިތުރުން، ރިސޯޓްތަކުގައި ހުރި 29,052 އެނދާއި، ހޮޓާތަކުގައި މިވަގުތު އޮޕަރޭޓްކުރަމުންދާ 602 އެނދު އަދި ސަފާރީތަކުގައި އޮޕަރޭޓްކުރަމުންދާ 2,330 އެނދެވެ.

ރާއްޖޭގެ ބޯޑަރު ތިން މަސް ދުވަހަށް ވުރެ ގިނަ ދުވަހު ބަންދުކޮށްފައި އޮތުމަށް ފަހު، ޖުލައި 15 ވަނަ ދުވަހު އަލުން ބޯޑަރު ހުޅުވާލައި އޮގަސްޓް މަހުގެ 15 ވަނަ ދުވަހު ގެސްޓް ހައުސްތައް ހުޅުވުމުގެ ހުއްދަ ދީފައިވާއިރު، މި ހުއްދަ ސަރުކާރުން ދީފައިވައި ވަނީ އެކަމަށްޓަކައި ހާއްސަ ގައިޑްލައިނެއް އެކުލަވާލުމަށްފަހުއެވެ. މި ގައިޑްލައިން ގައި ރަށްރަށަށް ގޮސް އުޅޭ ފަތުރުވެރިންނާއި އެ ރަށް ރަށުގެ އާންމު ރައްޔިތުން އަމަލުކުރަން ޖެހޭ ހާއްސަ އުސޫލެއް ހިމަނާފައިވާއިރު، ފަތުރުވެރިންނަށް މީހުން ދިރިއުޅޭ ގެތަކަށް ދިއުން މަނާ ވާނެއެވެ. އަދި ރައްޔިތުން ގޮސް އުޅޭ ކެފޭ ރެސްޓޯރެންޓް ތަކުން ހިދުމަތް ހޯދަން ބޭނުންވާ ފަތުރުވެރިންނަށް ހިދުމަތް ދޭނެ ވަކި އިންތިޒާމުތަކެއް ހަމަޖައްސަން ޖެހެއެވެ.

މީގެ އިތުރުން ފަތުރުވެރިންގެ ކިބައިން ކޮވިޑްގެ އަލާމަތްތައް ފެނިއްޖެ ނަމަ އައިސޮލޭޓް ވެވޭނެ އިންތިޒާމް އާއި އެ ފަތުރުވެރިންނަށް ހިދުމަތްދޭ ސްޓާފުންނަށް އައިސޮލޭޓް ވެވޭނެ އިންތިޒާމްތައް ހަމަޖެހިފައި ހުންނަން ޖެހޭއިރު، ގެސްޓް ހައުސްތައް ހުޅުވާލުމުގެ ކުރިން އެރަށް ރަށުގައި ފްލޫ ކްލިނިކެއް ގާއިމްކުރަންޖެހެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ނާޒުމީ ސައީދު
0%
0%
0%
0%
0%
0%
ކޮމެންޓް
ގުޅުންހުރި
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި