ކ. މާލެ
|
24 ނޮވެންބަރ 2020 | އަންގާރަ 08:49
ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) ގެ ޑިރެކްޓަރ ޖެނެރަލް ޓެޑްރޯސް އަދަނޮމް ގެބްރިޔޭސަސް
ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) ގެ ޑިރެކްޓަރ ޖެނެރަލް ޓެޑްރޯސް އަދަނޮމް ގެބްރިޔޭސަސް
ރޮއިޓަރސް
ކޮވިޑް ވެކްސިން ފޯރުކޮށްދިނުން
ވެކްސިން ފޯރުކޮށްދިނުމުގައި ހަމަހަމަކަމާއެކު އަވަހަށް އެކަން ކުރަން ޖެހޭ: ޓެޑްރޯސް
 
މިއީ ތާރީހުގައި އެންމެ އަވަހަށް އުފެއްދުނު ވެކްސިން ކަމަށް ޓެޑްރޯސް ވިދާޅުވި
 
ވެކްސިންގެ ރޭހުގައި ކުރީގައި އުޅެނީ ފިޒަރ އަދި ބައޯއެންޓެކް

ވެކްސިން އުފެއްދުމުގެ ރޭހުގައި އަމަލުކުރި ގޮތަށް ވެކްސިން ހަމަހަމަކަމާއެކު ފޯރުކޮށްދިނުމުގައި ވެސް އަވަސް ކުރަން ޖެހޭ ކަމަށް ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) ގެ ޑިރެކްޓަރ ޖެނެރަލް ޓެޑްރޯސް އަދަނޮމް ގެބްރިޔޭސަސް ވިދާޅުވެއްޖެއެވެ.

ކޮވިޑް-19ށް ވެކްސިން އެއް ކަށަވަރުވެއްޖެ ކަމުގެ އުއްމީދު ބޮޑުވެފައިވަނިކޮށް ޓެޑްރޯސް ވިދާޅުވެފައިވަނީ، ތާރީހުގައި މިހާ އަވަހަށް އުފެއްދި ވެކްސިނެއް ނެތް ކަމަށާއި، ވެކްސިން އުފެއްދުމުގެ މަރުހަލާގައި ސައިންސް ވެރިން އާ ހަރުފަތަކަށް ކުރިއަށް ޖެހިލާފައިވާ ކަމަށެވެ. އަދި ވެކްސިން ފޯރުކޮށްދިނުމުގައި ވެސް އެ އުސޫލު ގެންގުޅެން ޖެހޭ ކަމަށާއި، ވެކްސިން ހަމަހަމަކަމާއެކު ފޯރުކޮށްދެވެން ޖެހޭ ކަމަށެވެ.

މީގެ އިތުރުން އެކުގައި މަސައްކަތް ނުކޮށް، ވާން ނެތް ކަމަށާއި، ވެކްސިން އެންމެ ބޮޑަށް ބޭނުންވާ ފަރާތްތަކަށް ވެކްސިން ފޯރުކޮށްދިނުން މުހިންމު ކަމަށް ޓެޑްރޯސް ފާހަގަ ކުރެއްވިއެވެ. ޓެޑްރޯސް މިހެން ވިދާޅުވެފައިވާ އިރު، ޑަބްލިއުއެޗްއޯއިން އަންނަނީ ކޮވެކްސްގެ ނަމުގައި ވެކްސިން ހަމަހަމަކަމާއެކު ގައުމުތަކަށް ލިބޭނެ ގޮތަށް މަގު ފަހުކުރުމަށް މަސައްކަތް ކުރަމުންނެވެ.

ވެކްސިން ރޭހުގެ އެންމެ ކުރީގައި އުޅެނީ އެމެރިކާގެ ފިޒަރ ވެކްސިނާއި، ޖަރުމަނުވިލާތުގެ ބައޯއެންޓެކް ވެކްސިނެވެ. މީގެ ތެރެއިން ފިޒަރ ވެކްސިންގެ 95 އިންސައްތަ ރައްކާތެރިކަން ކަށަވަރު ކުރެވިފައިވާ އިރު، ބައޯއެންޓެކް ވެކްސިންގެ 90 އިންސައްތަ ރައްކާތެރިކަން ވަނީ ކަށަވަރު ކުރެވިފައެވެ.

ބައެއް އެހެން ވެކްސިންތަކަށް ބަލާ އިރު އެސްޓްރަޒެނިކާ އަދި މޮޑަރނާ ވެސް އުޅެނީ މި ރޭހުގެ ކުރީގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ނާޒުމީ ސައީދު
0%
100%
0%
0%
0%
0%
ކޮމެންޓް