ބޭނުންޖެހޭ ކޮންމެ ވަގުތެއްގައި ވެސް ރާއްޖެއަށް އެހީވާން ޗައިނާ އޮންނާނީ ތައްޔާރަށް: ޗައިނާގެ ސަފީރު
19 ނޮވެމްބަރު 2020 | ބުރާސްފަތި 08:55ޖީ-20 ޑެޓް ސާވިސް ސަސްޕެންޝަން އިނިޝިއޭޓިވް ގެ ދަށުން ބައެއް ލޯނުތައް ދެއްކުން ޗައިނާއިން ވަނީ ފަސްކޮށްދީފަ
ޗައިނާގެ ސަފީރު ވަނީ ފޮރިން މިނިސްޓަރު އަބްދުﷲ ޝާހިދުއާއި ބައްދަލު ކުރައްވާފަ
ރާއްޖެއިން އެހީތެރިކަމަށް ބޭނުންވާ ކޮންމެ ވަގުތެއްގައި ވެސް އެހީވާން ޗައިނާ އޮތީ ތައްޔާރަށް ކަމަށް، ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ޖަންގ ލީޖޮން ވިދާޅުވެއްޖެ އެވެ.
ބުދަ ދުވަހު ކުރެއްވި ޓްވީޓެއްގައި ޗައިނާގެ ސަފީރު މިހެން ވިދާޅުވެފައިމިވަނީ ޖީ-20 ޑެޓް ސާވިސް ސަސްޕެންޝަން އިނިޝިއޭޓިވް ގެ ދަށުން ބައެއް ލޯނުތައް ދެއްކުން ޗައިނާއިން ވަނީ ފަސްކޮށްދީފަ އެވެ.
ޗައިނާގެ ސަފީރު ވަނީ ރާއްޖެއަށް ޗައިނާއިން ދީފައިވާ ލޯނުތަކާ ގުޅޭ ގޮތުން މަޝްވަރާކުރެއްވުމަށް ފޮރިން މިނިސްޓަރު އަބްދުﷲ ޝާހިދު އާއި ބައްދަލު ކުރެއްވިކަން ހާމަ ކުރައްވާފައެވެ.
އަދި މި ލޯނުތައް ދެއްކުން ޗައިނާއިން ފަސްކޮށްދީފައިވާތީ އެކަމަށް ފޮރިން މިނިސްޓަރ އަބްދުﷲ ޝާހިދު ޝުކުރު އަދާކުރެއްވިކަމަށް ވެސް ސަފީރު ވަނީ ވިދާޅުވެފަ އެވެ.
ޗައިނާއިން ރާއްޖެ ނަގާފައިވާ ލޯނުގެ ޖުމްލަ އަދަދަކީ 1.5 ބިލިއަން ޑޮލަރަށް ވީއިރު އޭގެ ތެރެއިން ސީދާ ސަރުކާރުން ސަރުކާރަށް ނަގާފައިވާ ލޯނުތަކުގެ އަދަދަކީ 600 މިލިއަން ޑޮލަރެވެ.
ޗައިނާއިން ރާއްޖެއަށް ގިނަ އެހީތަކެއް ވެފައިވާއިރު، ޗައިނާގެ ސަފީރު ވިދާޅުވީ ހަގީގީ ރަހުމަތްތެރިންނަކީ ބޭނުން ޖެހިފައިވާ ވަގުތެއްގައި އެހީވާން ތިބޭ މީހުން ކަމަށެވެ.
