ސިބްކޯ އިން "އެވްރީ ޑޭ" ބާސްމަތި ހަނޑުލުގެ ޕްރޮމޯޝަނެއް ފަށައިފި
5 ކިލޯގެ 5 ކޭސް ގަންނަ ފަރާތަކަށް 5 ކިލޯގެ ކޭހެއް ހިލޭ ލިބޭނެ
ސިބްކޯ އިން އެވްރީ ޑޭ ބާސްމަތީ
އެވްރީ ޑޭ ބާސްމަތީ ހަނޑުލުގެ 1 ކިލޯ އަދި 5 ކިލޯގެ ޕްރޮމޯޝަނެއް ސިބްކޯ އިން ފަށައިފިއެވެ.
އެ ކުންފުނީގެ މާކެޓިންގ އެންޑް ކޮމިއުނިކޭޝަންސް މެނޭޖަރ، އަޙްމަދު ހާނީ ނަޢީމް ވިދާޅުވީ އެވްރީޑޭ ބާސްމަތީ ހަނޑުލަށް ކަސްޓަމަރުންގެ ފަރާތުން ލިބޭ ތަރުހީބަށް ބަލައި މިފަހަރު ކުރިއަށްދާ ޕްރޮމޯޝަންގައި 1 ކިލޯގެ ހަތަރު ކޭސް ބައްލަވައިގަންނަވާ ފަރާތަކަށް 1 ކިލޯގެ ކޭހެއް ހިލޭ ލިބޭނެ ކަމަށެވެ. އަދި 5 ކިލޯގެ 5 ކޭސް ގަންނަ ފަރާތަކަށް 5 ކިލޯގެ ކޭހެއް ހިލޭ ލިބޭނެ އެވެ.
އެވްރީ ޑޭ ބާސްމަތީ ހަނޑޫ ތަޢާރަފްކުރިފަހުން ދެ އަހަރު ދުވަސް ވެދާނެކަމަށްވެސް ހާނީ ވިދާޅުވިއެވެ.
ޕްރޮމޯޝަނާބެހޭ ގޮތުން އިތުރަށް މަޢުލޫމާތު ދެއްވަމުން ހާނީ ވިދާޅުވި ގޮތުގައި 1 ކިލޯގެ ޕްރޮމޯޝަންގައި ކަސްޓަމަރުންނަށް ފަންސަވީސް އިންސައްތައިގެ ފައިދާވާނެ ކަމަށާއި 5 ކިލޯގެ ޕްރޮމޯޝަނުން ކަސްޓަމަރުންނަށް ވިހި އިން ސައްތައިގެ ފައިދާ ވާނެ ކަމަށެވެ.
މި ޕްރޮމޯޝަން ކުރިއަށްދަނީ 3 ނޮވެމްބަރުން ފެށިގެން ސްޓޮކް ހުސްވަންދެންކަމަށް ސިބްކޯ އިން ބުންޏެވެ.
ސިބްކޯ އަކީ މަޝްހޫރު އަލްމުދިޝް ބްރޭންޑްގެ ހިކި ކިރާއި ޓޮމޯޓޯ ޕޭސްޓް، ފަލަކް ބާސްމަތީ ހަނޑޫ، ކުޑަކުދިންނަށް ޚާއްޞަކޮށްގެން ޖަޕާނުގެ ޔުނިޗާމު ކުންފުނިން އުފައްދާ ނެޕީ އެއް ކަމުގައިވާ މަމީ ޕޮކޯ ޕޭންޓްސް، ޑިއުރަސެލް ބެޓެރީ ފަދަ މުދާ ރާއްޖެ އެތެރެކޮށް މާކެޓްކޮށް ވިއްކާ ކުންފުންޏެކެވެ.
ދާދި ފަހުން އެ ކުންފުނިންވަނީ މެލޭޝިޔާގެ އެމް އެންޑް އެސް ކާށިކިރު ޕެކެޓާއި، ތުރުކީވިލާތުގެ ޑުރޫ ބްރޭންޑްގެ ޝަވަރޖެލް އާއި ޕޯޗުގަލްގެ ފެމިލިއާރ އަމީގާ ބްރޭންޑްގެ ސްޕެގެޓީ އާއި ޕާސްތާ އަދި އެ ގައުމުގެ ނެސިއޮނާލް ބްރޭންޑްގެ ތަފާތު ލުއިކާނާއާއި ފުށުގެ އިތުރުން ޕާކިސްތާނުގެ ޖަޒާ ފުޑްސްގެ އެކިވައްތަރުގެ ހަވާދާއި ތަފާތު ޕޭސްޓްތައްވެސް ތަޢާރަފްކޮށްފައެވެ.
