އިންޑިއާގެ ޑިފެންސް ކޮލެޖުން ރާއްޖެއަށް ޖާގައެއް ލިބިއްޖެ
5 ނޮވެމްބަރު 2020 | ބުރާސްފަތި 02:17އަލަށް ޖާގަ ދޭ ގައުމުތަކަކީ އުޒްބެކިސްތާން، ތަޖިކިސްތާން، ފިލިޕީންގެ އިތުރުން އިންޑޮނޭޝިއާ
ދިވެހި ސިފައިން ތަމްރީނެއްގެ ތެރެއިން
ސިފައިން ތަމްރީނުކުރާ އިންޑިއާގެ، ނެޝަނަލް ޑިފެންސް ކޮލެޖުން ޖާގައެއް ފުރަތަމަ ފަހަރަށް ރާއްޖެއަށް ލިބިއްޖެއެވެ.
ޑިފެންސް ކޮލެޖުން ހިންގާ ކޯސްތަކުގައި ކޮންމެ އަހަރަކު ވެސް އެކި ގައުމުތަކުން 25 އޮފިސަރުން ބައިވެރިވެއެވެ.
އިންޑިއާގެ ޑިފެންސް މިނިސްޓްރީން އާއްމުކޮށްފައިވާ ބަޔާނެއްގައި ބުނީ، ޑިފެންސް ކޮލެޖުގައި އަލަށް ޖާގަ ދޭން ނިންމާފައިވާ ގައުމުތަކުގެ ތެރޭގައި ރާއްޖެ، އުޒްބެކިސްތާން، ތަޖިކިސްތާން، ފިލިޕީންގެ އިތުރުން އިންޑޮނޭޝިއާ ހިމެނޭ ކަމަށެވެ.
އެ ކޮލެޖުން ވަނީ ކުރިން ފުރުސަތު ދެމުން އައި ގައުމުތަކަށް ދޭ ޖާގައިގެ އަދަދު އިތުރު ކޮށްފައެވެ. އެގޮތުން މިހާރު ދޭ އަދަދު 110 ޖާގައަށް އިތުރުކޮށް 2020 ވަނަ ޖާގައިގެ އަދަދު 120 އަށް އިތުރުކުރަން ވަނީ ނިންމާފައެވެ. އެ ގައުމުތަކަކީ، ނޭޕަލް، މިޔަންމާގެ އިތުރުން ބަންގްލަދޭޝްއެވެ. އަދި އެކަން އިއުލާންކޮށްފައިވަނީ ޑިފެންސް ކޮލެޖްގެ ޖުބްލީއާ ދިމާކޮށެވެ.
އެންޑީސީގެ ފުރަތަމަ ކޯސް ކުރިޔަށް ގެންގޮސްފައި ވަނީ 1960 ވަނަ އަހަރު 21 ބައިވެރިންނާއެކުއެވެ. އެ ކޮލެޖަށް 100 އަހަރުފުރުން ފާހަގަކުރާމުންދާއިރު މިހާރު އެ ކޮލެޖުން އިންޑިއާގެ 75 އޮފިސަރުން އަދި ބޭރު ގައުމުތަކުގެ 25 އޮފިސަރުން ދަނީ ކޯސްތައް ހަދަމުންނެވެ.
މި ކޮލެޖަކީ އިންޑިއާގެ އިތުރުން ދުނިޔޭގައި މަޝްހޫރު އަދި އެތައް ގައުމުތަކުގެ ސިފައިންގެ އޮފިސަރުން ކޯސްތައް ފުރިހަމަ ކޮށްފައިވާ ކޮލެޖެކެވެ.
