3 ދުވަހު އެޑްމިޓްކޮށް ފަރުވާދިނުމަށް ފަހު ޝިޔާމް ހޮސްޕިޓަލުން ދޫކޮށްލައިފި
31 އޮކްޓޯބަރު 2020 | ހޮނިހިރު 03:47ހާލުކޮޅު ގޯސްވި ސަބަބެއް ހާމައެއް ނުކުރޭ
ޝިޔާމްގެ ހާލުކޮޅު ގޯސްވެ، އޭޑީކޭގައި ފަރުވާދެނީ
ޕީޕީއެމްގެ ނާއިބު ރައީސް އަދި ނައިފަރު ދާއިރާގެ މެންބަރު އަޙްމަދު ޝިޔާމަށް ހޮސްޕިޓަލުގައި ފަރުވާ ދިނުމަށް ފަހު ގެއަށް ދޫކޮށްފައިވާކަމަށް އިދިކޮޅު ޕީޕީއެމުން ބުނެފިއެވެ.
މިކަން ހާމަކޮށް ޕީޕީއެމްއިން ނެރުނު ބަޔާނުގައި ބުނެފައިވަނީ، ޝިޔާމްގެ ހާލުކޮޅު މިހާރު ރަނގަޅުވަމުން އަންނަކަމަށާއި ގެއަށް ދޫކުރީ ހުކުރު ދުވަހުގެ ރޭގަނޑުގައިކަމަށެވެ. ބަލި ހާލަތާއި ގުޅޭ އިތުރު ތަފްސީލެއް އެ ޕާޓީން ހާމަކޮށްފައި ނުވާއިރު، ޝިޔާމްގެ ސިއްޙީ ޙާލުކޮޅު ދެރަވުމާ ގުޅިގެން އަވަސް ޝިފާއަކަށް އެދި މެސެޖް ފޮނުއްވާ ހެޔޮ ދުޢާކޮށްދެއްވި ހުރިހާ ފަރާތްތަކަށް އެ ޕާޓީން ވަނީ ޝުކުރު އަދާކޮށްފައެވެ.
ޝިޔާމް މަޖިލީހުގައި ހުންނަވަނިކޮށް ޞިއްޙީ ޙާލުކޮޅު ދެރަވެގެން އޭޑީކޭ ހޮސްޕިޓަލަށް ގެންދެވިފައިވަނީ މިދިޔަ އަންގާރަ ދުވަހުގެ ހެނދުނުގެ ވަގުތެއްގައެވެ. ޝިޔާމްގެ ޓެސްޓްތަކެއް ހަދާ އިތުރަށް ޗެކްކޮށްލަން ޑޮކްޓަރު ބޭނުންވާތީ އޭޑީކޭ ހޮސްޕިޓަލްގައި އެޑްމިޓްކުރިއިރު ޓެސްޓުތަކުން ކޮވިޑް-19ށް ނެގެޓިވްކަމަށްވެސް ޕީޕީއެމްއިން މީގެކުރިން ވަނީ ބުނެފައެވެ.
"ރާއްޖެއެމްވީ" އަށް މައުލޫމާތު ލިބިފައިވާގޮތުގައި އަންގާރަ ދުވަހު ޝިޔާމް މަޖިލީހުގެ ތަޅުމަށްވެސް ވަޑައިގެންނެވި އެވެ. ނަމަވެސް ޝިޔާމްގެ ހާލުކޮޅު ގޯސްވެފައިވަނީ އޭނާ މަޖިލީހުގެ ތަޅުމުން ނުކުމެވަޑައިގެން ގޯތިތެރޭގައި ހުންނަވަނިކޮށެ އެވެ.
