މުޅި ދުނިޔެއިން ކޮވިޑް-19 އަށް ޕޮޒިޓިވްވި މީހުންގެ އަދަދު 45 މިލިއަނަށްވުރެ މައްޗަށް
ދުނިޔެއިން ކޮވިޑަށް ޕޮޒިޓިވްވި މީހުންގެ ޖުމްލަ އަދަދު ވަނީ 45,256,102 މީހުން
އިންޑިއާ، މިވަގުތު ދެވަނަ އަށް އެންމެ ގިނަ ކޭސް ރިޕޯޓުކުރަމުންދަނީ އެގައުމުން
މުޅި ދުނިޔެއިން ކޮވިޑް-19 އަށް ޕޮޒިޓިވްވި މީހުންގެ އަދަދު 45 މިލިއަނަށްވުރެ މައްޗަށް އަރައިފިއެވެ.
ވޯލްޑްމީޓާސްގެ އެންމެ ފަހުގެ ތަފާސްހިސާބުތައް ދައްކާގޮތުން މުޅި ދުނިޔެއިން ކޮވިޑަށް ޕޮޒިޓިވްވި މީހުންގެ ޖުމްލަ އަދަދު ވަނީ 45,256,102 (ސާޅީސް ފަސް މިލިއަން ދެ ލައްކަ ފަންސާސް ހަ ހާސް އެއްސަތޭކަ ދޭއް) އަށް އަރާފައެވެ. އަދި 32,907,484 (ތިރީސް ދެހާސް ނުވަލައްކަ ހަތްހާސް ހަތަރު ސަތޭކަ އަށްޑިހަ ހަތަރެއް) މީހުން ބަލިން ރަނގަޅުވެފައިވާ އިރު، ބަލިޖެހުނު 1,184,796 (އެއް މިލިއަން އެއްލައްކަ އަށްޑިހަ ހަތަރުހާސް ހަތްސަތޭކަ ނުވަދިހަ ހައެއް)މީހުން ވަނީ މަރުވެފައެވެ.
މިވަގުތު 11 މިލިއަނަށް ވުރެ ގިނަ މީހުން މުޅި ދުނިޔޭގައި ކޮވިޑަށް ފަރުވާ ހޯދަމުންދާ އިރު، އެންމެ ގިނަ އަދަދެއްގެ ބަޔަކު މިހާތަނަށް ޕޮޒިޓިވްވެފައި ވަނީ އެމެރިކާ އިންނެވެ. އެމެރިކާ އިން 9,197,067 (ނުވަ މިލިއަން އެއްލައްކަ ނުވަދިހަ ހަތްހާސް ފަސްދޮޅަސް ހަތެއް) މީހުން ބައްޔަށް ޕޮޒިޓިވްވެފައިވާ އިރު، 5,962,878 ( ފަސްމިލިއަން ނުވަލައްކަ ފަސްދޮޅަސް ދެހާސް އަށްސަތޭކަ ހަތްދިހަ އަށެއް) މީހުން ވަނީ ބަލިން ރަނގަޅުވެފައެވެ. އަދި ތިން މިލިއަނަށް ވުރެ ގިނަ މީހުން އެގައުމުގައި ކޮވިޑަށް ފަރުވާ ހޯދަމުންދާ އިރު، 234,016 (ދެ ލައްކަ ތިރީސް ހަތަރުހާސް ސޯޅަ) މީހުން ވަނީ މަރުވެފައެވެ.
މީގެ އިތުރުން އިންޑިއާ އިން 8,088,046 (އަށް މިލިއަން އަށްޑިހަ އަށްހާސް ސާޅީސް ހައެއް) މީހުން ކޮވިޑަށް ޕޮޒިޓިވްވެފައިވާ އިރު، 7,371,898 ( ހަތް މިލިއަން ތިން ލައްކަ ހަތްދިހަ އެއްހާސް އަށް ސަތޭކަ ނުވަދިހަ އަށެއް) މީހުން ވަނީ ބަލިން ރަނގަޅުވެފައެވެ. އެގައުމުގައި ބަލިޖެހުނު 121,131 (އެއް ލައްކަ އެކާވީސްހާސް އެއްސަތޭކަ ތިރީސް އެކެއް) މީހުން މަރުވެފައިވާ އިރު، މިވަގުުތު ބައްޔަށް ފަރުވާ ހޯދަމުން ދަނީ 595,017 ( ފަސް މިލިއަން ނުވަ ދިހަ ފަސްހާސް ސަތާރަ) މީހުންނެވެ.
