ބުރާސްފަތި ދުވަހު މާލެ ސަރަހައްދުން ކޮވިޑަށް ޕޮޒިޓިވްވީ 16 މީހުން!
މާލެ ސަރަހައްދުން 16 މީހަކު ވަނީ ޕޮޒިޓިވް ވެފައި
ކޮވިޑް-19 އަށް ޓެސްޓް ކުރުމުގެ ތެރެއިން
ރާއްޖެއިން ކޮވިޑް-19 އަށް ފާއިތުވި 24 ގަޑީއިރު ޕޮޒިޓިވް ވެފައިވަނީ އެންމެ 25 މީހުން ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފިއެވެ.
އެޗްޕީއޭއިން ބުނީ ޕޮޒިޓިވްވި މީހުންގެ ތެރޭގައި ހިމެނެނީ 16 ދިވެހިންނާއި 9 ބިދޭސީން ކަމަށެވެ. އޭގެ ތެރެއިން 16 މީހުން ޕޮޒިޓިވްވެފައި ވަނީ ގްރޭޓަރ މާލެ ސަރަހައްދުންނެވެ.
ރިސޯޓްތައް ހިމެނޭ ގޮތަށް އަތޮޅު ތެރެއިން ޕޮޒިޓިވްވެފައި ވަނީ 9 މީހުންނެވެ. އެއާއި އެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ޖުމްލަ އަދަދު ވަނީ 11،616 އަށް އަރާފައެވެ.
އެޗްޕީއޭއިން ހާމަކޮށްފައިވާ ގޮތުން ފާއިތުވި 24 ގަޑީއިރު ތެރޭގައި 1470 ސާމްޕަލްއެއް ނަގާފައިވާ އިރު މި ވަގުތު އެކްޓިވް ކޭސްގެ ގޮތުގައި 839 ކޭސްއެއް ވަނީ ރެކޯޑް ކުރެވިފައެވެ. އަދި އައިސޮލޭޝަން ފެސިލިޓީސްތަކުގައި 269 މީހަކު ތިބިއިރު 55 މީހަކަށް ހޮސްޕިޓަލުގައި ދަނީ ފަރުވާދެމުންނެވެ.
ރާއްޖެއިން މިހާތަނަށް ބަލިން ފަސޭހަވި މީހުންގެ އަދަދަކީ 10،733 ކަމަށް އެޗްޕީއޭއިން މައުލޫމާތު ދެއެވެ. މިހާތަނަށް ކޮވިޑް ޖެހިގެން މަރުވި މީހުން އަދަދަކީ 37 އެވެ.
