އިންޑިޔާގެ ޓްރިވެންޑްރަމަށް މޯލްޑިވިއަނުން ދަތުރުކުރާ ދުވަސްތަކަށް ބަދަލު ގެނެސްފިއެވެ.
މޯލްޑިވިއަނުން ބުނީ މިހާރު ޓްރިވެންޑްރަމަށް ދަތުރުކުރާނީ ކޮންމެ ހަފްތާއެއްގެވެސް ހޯމަ އަދި ބުރާސްފަތި ދުވަހު ކަމަށެވެ. ކުރިން މޯލްޑިވިއަނުން ޓްރިވެންޑްރަމަށް ދަތުކުރަމުން ގޮސްފައި ވަނީ ހޮނިހިރު އަދި ހޯމަ ދުވަހުއެވެ.
ކުރިޔެކޭ އެއްގޮތަށް މިހާރުވެސް ޓްރިވެންޑްރަމަށް ކުރާ ދަތުރުތަކުގެ ދެކޮޅު ޓިކެޓް އަގަކީ 325 ޑޮލަރެވެ.
ކޮވިޑް-19 އާއި ގުޅިގެން ރާއްޖޭގެ ބޯޑަރުތައް ބަންދުކޮށްފައި އޮތުމަށް ފަހު ޖުލައި މަހުގެ 15 ވަނަ ދުވަހު އަލުން ބޯޑަރުތައް ހުޅުވާލިއިރު މޯލްޑިވިއަނުން ޓްރިވެންޑްރަމަށް ކުރާ ދަތުރުތައް އަލުން ފަށާފައިވަނީ ސެޕްޓެމްބަރ މަހުގެ 10 ވަނަ ދުވަހުއެވެ.
ރާއްޖޭގެ ބޯޑަރު އަލުން ހުލުވާލާފައިވާ އިރު، ރާއްޖެއިން ބޭރަށް ފުރާ އަދި އަންނަ ފަސިންޖަރުން އިމިގްރޭޝަންގެ އިމުގާ ޕޯޓަލްގައި ރަޖިސްޓްރީވުމަށް ވަނީ އަންގާފައެވެ.
