ޖޭއެސްސީ އެކުލަވާލާފައިވާ ގޮތް ބަދަލު ކުރުމަށް ހުށައަޅާފައިވާ ބިލު ބޭރުކޮށްލައިފި
ބިލު ދިރާސާ ކުރުމަށް ކޮމިޓީއަކަށް ފޮނުވަން ނުފެންނަ ކަމަށް 50 މެމްބަރުން ވޯޓުދެއްވި
ޖުޑިޝަލް ސަރވިސް ކޮމިޝަން
ޖުޑީޝަލް ސަރވިސް ކޮމިޝަން (ޖޭއެސްސީ) އެކުލަވާލާފައިވާ ގޮތް ބަދަލު ކުރުމަށް ހުށައަޅާފައިވާ ބިލު ބަލައިނުގަތުމަށް ފާސްކޮށްފިއެވެ.
މި ބިލު ދިރާސާ ކުރުމަށް ކޮމިޓީއަކަށް ފޮނުވަން ނުފެންނަ ކަމަށް 50 މެމްބަރުން ވޯޓުދެއްވިއިރު ބަލައިގަތުމަށް ވޯޓުދެއްވީ އެންމެ 13 މެމްބަރުންނެވެ.
މި ބިލުގައި ވަނީ މިހާރު ޖޭއެސްސީ އެކުލަވާލާފައިވާ ގޮތުން ގާނޫނު އަސާސީގެ ހަވަނަ ބާބުން އިންސާފު ގާއިމުކުރުމުގެ ބާރަށް ލިބިދޭ މިނިވަންކަމާ މުސްތަގިއްލު ކަމަށް ހުރަސް އެޅެމުންދާ ކަމަށެވެ.
އޭގެ އިތުރުން، ޖޭއެސްސީ އެކުލަވާލުމުގައި ގާނޫނު ހެދުމުގެ ބާރާއި، ވެރިކަން ހިންގުމުގެ ބާރުގެ ފަރާތުން ތަމްސީލުކުރާ ފަރާތްތަކަކީ ސިޔާސީ ފަރާތްތަކަށް ވުމުގެ ސަބަބުން، އެފަރާތްތަކުން ބައިވެރިވެގެން އެ ކޮމިޝަނުން ބަލާ މައްސަލަތަކުގަޔާއި އަދި ނިންމާ ނިންމުންތަކުގައި ސިޔާސީ ނުރަނގަޅު ނުފޫޒާއި ބާރު އެކުލެވިގެންދާ ކަމަށެވެ.
