ކޮވިޑް ފަރުވާއަށް ރެމްޑިސިވިއަރ ބޭނުން ކުރަން އެމެރިކާއިން ހުއްދަ ދީފި
23 އޮކްޓޯބަރު 2020 | ހުކުރު 17:45ގިނަ ގައުމުތަކުން މި ބޭސް ބޭނުންކުރޭ
ރެމްޑިސިވިއަރ ބޭސް
ކޮވިޑު-19 ޖެހިފައިވާ މީހުންނަށް ފަރުވާއެއްގެ ގޮތުގައި ޖިލީޑް ކުންފުނިން އުފައްދާ 'ވެކްލުރީ' ބްރޭންޑުގެ ރެމްޑިސިވިއަރ ބޭނުން ކުރުމަށް އެމެރިކާގެ ފުޑް އެންޑް ޑްރަގް އެޑްމިނިސްޓްރޭޝަނުން ހުއްދަ ދީފިއެވެ.
އެފްޑީއޭއިން ނިންމި މި ނިންމުމާއި އެކު އެ ކުންފުނި ވެގެން ދާނީ ކޮވިޑަށް ހާއްސަ ފަރުވާއެއް ދިނުމަށް ހުއްދަ ލިބުނު ފުރަތަމަ ކުންފުންޏަށެވެ.
އެހެން ނަމަވެސް، މި ބޭހުގެ ސަބަބުން ހޮސްޕިޓަލުގައި ފަރުވާ ހޯދާ ކޮވިޑު ބަލި މީހުންގެ މުއްދަތު ނުވަތަ އެ މީހުން ދިރި ހުރުމުގެ ޗާންސްއަށް މާބޮޑު އަސަރެއް ކޮށްފައި ނުވާ ކަން ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯއިން ހެދި ކްލިނިކަލް ޓްރަޔަލްސްތަކުން ވަނީ ހާމަވެފައެވެ.
ކޮވިޑުގެ ބަލީގެ އެންމެ ފުރަތަމަ ފަރުވާއެއްގެ ގޮތުގައި ބޭނުން ކުރަން ފެށި މި ބޭސް، ދާދި ފަހުން ކޮވިޑަށް ޕޮޒިޓިވްވި އެމެރިކާގެ ރައީސް ޑޮނަލްޑް ޓްރަމްޕް ވެސް ވަނީ ބޭނުން ކުރައްވާފައެވެ.
