ހަތް މަސް ދުވަހަށް ފަހު މަސްޖިދުލް ހަރަމުގައި އާންމުކޮށް ނަމާދު ކުރަން ފަށައިފި
އާންމުކޮށް ނަމާދުކުރުން މެދުކަނޑާލީ މުޅި ދުނިޔޭގައި ފެތުރިފައިވާ ކޮވިޑް-19 އާ ގުޅިގެން
ސައުދީ ސަރުކާރުން ކުރިން އަޅާފައިވާ ފިޔަވަޅުތަކަށް ލުއި ދޭން ވަނީ ފަށާފައި
ހަތް މަސް ދުވަހުގެ މެދުކެނޑުމަކަށް ފަހު މަސްޖިދުލް ހަރަމުގައި އާންމުކޮށް ނަމާދު ކުރަން ފަށައިފިއެވެ.
ސައުދީ ސަރުކާރުން އާދިއްތަ ދުވަހުގެ ފަތިސް ނަމާދުން ފެށިގެން މަސްޖިދުލް ހަރަމުގައި ނަމާދު ކުރަން ހުއްދަ ދިނުމުން، އާންމުން ވަނީ ޖަމާއަތުގައި ފަތިސް ނަމާދު ކޮށްފައެވެ.
މަސްޖިދުލް ހަރަމްގައި އާންމުކޮށް ނަމާދުކުރުން މެދުކަނޑާލީ މުޅި ދުނިޔޭގައި ފެތުރިފައިވާ ކޮވިޑް-19 އާ ގުޅިގެންނެވެ. މި ބަލި ސައުދީގައި ވެސް ހަލުވިކަމާ އެކު ފެތުރުމުގެ ސަބަބުން މާރޗް މަހުވަނީ ދެ ހަރަމްފުޅު ވަނީ ވަގުތީ ގޮތުން ބަންދުކޮށްފައެވެ.
މަރުހަލާތަކަކަށް ބަހާލައިގެން ދެ ހަރަމްފުޅުގައި ނަމާދު ކުރަން ހުއްދަ ދިނުމަށް ސައުދީ ސަރުކާރުން ނިންމީ، އެ ގައުމުގައި ކޮވިޑް ބަލި މީހުން ފެންނަ އަދަދުތަށް ދަށަށް ދާން ފެށުމާ ގުޅިގެންނެވެ. މި މަރުހަލާތަކުގެ ތެރެއިން، އެހެން ގައުމުތަކުގެ މީހުންނަށް ވެސް އަހަރުގެ ފަހުކޮޅު ދެ ހަރަމްފުޅަށް ޒިޔާރަތްކުރެވޭ ގޮތަށް ހުޅުވާލުމަށް ސައުދީ ސަރުކާރުން ވަނީ ވިސްނާފައެވެ.
