ކޮވިޑް ޖެހުނު މީހުންގެ އަދަދު 39 މިލިއަނަށް
16 އޮކްޓޯބަރު 2020 | ހުކުރު 02:00މި ބަލީގައި 1 މިލިއަނަށް ވުރެ ގިނަ މީހުން ވަނީ މަރުވެފަ
މިހާތަނަށް ކޮވިޑުގެ އެންމެ ގިނަ ކޭސް ރިޕޯޓު ކޮށްފައިވާ ގައުމަކީ އެމެރިކާ
މުޅި ދުނިޔޭގައި ކޮވިޑް-19 ޖެހުނު މީހުންގެ އަދަދު 39 މިލިއަނަށް އަރައިފިއެވެ.
އެންމެ ފަހުގެ ތަފާސްހިސާބުތަކުން ދައްކާ ގޮތުގައި ދުނިޔޭގެ އެކި ގައުމުތަކުން ކޮވިޑު ޖެހުނު މީހުންގެ އަދަދު ވަނީ 39,075,678( ތިރީސް ނުވަ މިލިއަން ހަތްދިހަ ފަސް ހާސް ހަސަތޭކަ ހަތްދިހަ އަށެއް) ށް އަރާފައެވެ.
މިހާތަނަށް މި ބަލީގައި 1 މިލިއަނަށް ވުރެ ގިނަ މީހުން މަރުވެފައިވާއިރު 29,282,395 (ނަވާވީސް މިލިއަން ދެ ލައްކަ އަށްޑިހަ ދެހާސް ތިންސަތޭކަ ނުވަދިހަ ފަހެއް) މީހުން ވަނީ ބަލިން ފަސޭހަވެފައެވެ.
މިހާތަނަށް ކޮވިޑުގެ އެންމެ ގިނަ ކޭސް ރިޕޯޓު ކޮށްފައިވާ ގައުމަކީ އެމެރިކާއެވެ. އެގޮތުން އެމެރިކާއިން ވަނީ 8 މިލިއަނަށް ވުރެ ގިނަ ކޭސް ރިޕޯޓު ކޮށްފައެވެ. ބުރާސްފަތި ދުވަހު 53000 ކޭސް ރިޕޯޓު ކޮށްފައިވާއިރު އެގައުމުން ވައިރަސް ޖެހިގެން މަރުވި މީހުންގެ އަދަދު ވަނީ 2 ލައްކަ އަށް ވުރެ އިތުރުވެފައެވެ.
ދެވަނަ އަށް އެންމެ ގިނަ ކޭސް ރިޕޯޓު ކޮށްފައިވަނީ އިންޑިއާ އިންނެވެ. މިހާތަނަށް އެ ގައުމުން 7 މިލިއަނަށް ވުރެ ގިނަ ކޭސް ރިޕޯޓު ކޮށްފައިވާއިރު އޭގެ ތެރެއިން ހަ ލައްކަ އަށް ވުރެ ގިނަ މީހުން ވަނީ ބަލިން ރަނގަޅުވެފައެވެ. އަދި ކޮވިޑު ޖެހިގެން އެއް ލައްކަ މީހުން ވަނީ މަރުވެފައެވެ.
