އައްޑޫ ޕޮލިސް އެކެޑަމީ ހަދަން ދިޔަ މީހުން ކަރަންޓީނާ ހިލާފުވެފައިވޭ، މައްސަލަ ފުލުހުންނަށް ވަނީ ހުށަހަޅާފައި: ޑރ. ނަޒްލާ
6 އޮކްޓޯބަރު 2020 | އަންގާރަ 02:42377 ސާންޕަލްގެ ތެރެއިން ޖުމްލަ 56 ސާންޕަލްއެއް ޕޮޒިޓިވް
އައްޑޫގައި އިންޑިއާ އިން ގާއިމް ކުރަމުންދާ ޕޮލިސް އެކަޑަމީ
އައްޑޫ ޕޮލިސް އެކެޑަމީ ހަދަން އެސިޓީއަށް ދިޔަ މީހުން ކަރަންޓީންގެ އަމުރާ ހިލާފުވެފައިވާ ކަމަށް ހެލްތް އެމަރޖެންސީ އޮޕަރޭޝަން ސެންޓަރ (އެޗްއީއޯސީ) ގެ ތަރުޖަމާނު ޑރ. ނަޒްލާ ރަފީގު ވިދާޅުވެއްޖެއެވެ.
ހޯމަ ދުވަހުގެ އެޗްއީއޯސީން ބޭއްވި ނޫސްވެރިންގެ ބައްދަލުވުމުގައި ޑރ.ނަޒްލާ ވިދާޅުވީ 30 ސެޕްޓެންބަރުގައި މަސައްކަތަކަށް އެ ރަށަށް އިންޑިއާ އިން ގޮސްތިބި އިންޑިއާގެ 128 މީހުންގެ ރިލީސް ސާންޕަލް ނެގިއިރު 53 މީހަކު ޕޮޒިޓިވްވެފައިވާ ކަމަށެވެ. އަދި އެތަނުގައި ސެކިއުރިޓީ ގަރޑް 2 އޮކްޓޫބަރުގައި ޕޮޒިޓިވްފައިވާ ކަމަށް ޑރ. ނަޒްލާ ވިދާޅުވިއެވެ.
ޑރ. ނަޒްލާ ވިދާޅުވީ، އެ އެކެޑެމީގެ މަސައްކަތަށް އައި މީހުންގެ ތެރެއިން ކަރަންޓީންގައި ތިބި 128 މީހުންގެ އިތުރުން އެހެން ދުވަހަކު އައްޑޫއަށް އެކުންފުނީގެ 8 މީހުން އައިސްފައިވާ ކަމަށެވެ. އަދި އޭގެ ތެރެއިން ވެސް އެކަކު ޕޮޒިޓިވްވެފައިވާ ކަމަށާއި ދެން ޕޮޒިޓިވްވެފައިވަނީ އެ އެކެޑެމީގައި މަސައްކަތް ކުރާ މީހެއް ކަމަށެވެ.
ޑރ. ނަޒްލާ ވިދާޅުވީ މިހާތަނަށް ނެގުނު 377 ސާންޕަލްގެ ތެރެއިން ޖުމްލަ 56 ސާންޕަލްއެއް ޕޮޒިޓިވްވެފައިވާ ކަމަށާއި 85 ސާންޕަލެއް ނެގެޓިވްވެފައިވާ ކަމަށެވެ. އަދި 74 ސާންޕަލްގެ ނަތީޖާ އަދި ނުލިބޭ ކަމަށް ޑރ. ނަޒްލާ ވިދާޅުވިއެވެ.
ޑރ. ނަޒްލާ ވިދާޅުވީ މިކޭސްގެ އިތުރު ތަފްސީލްތައް ލިބުނު ވަރަކަށް ވޯކް ސައިޓްގެ އިތުރުން މަސައްކަތް ކުރާ ތަނުގެ ބައެއް މީހުން ތިބި ބައެއް ތަންތަން މޮނިޓަރިންގެ ހާލަތަށް ގެނެސްފައިވާ ކަމަށެވެ.
ކަރަންޓީން އުސޫލާ ހިފާލުވެފައިވާކަން ފާހަގަކުރައްވައި ޑރ. ނަޒްލާ ވިދާޅުވީ މިހާތަނަށް ބެލިބެލުން ޕޮޒިޓިވްވެފައިވަނީ ކަރަންޓީންގައި ތިބި މީހުންނާއި ލިންކް ވެފައިވާ ތިބި މީހުން ކަމަށެވެ. އަދި މިހާރު މައްސަލަ ފުލުހުންނަށް ހުށަހަޅާފައިވާ ކަމަށް ޑރ. ނަޒްލާ ވިދާޅުވިއެވެ.
