އިތުރު 51 ދިވެހިން ކޮވިޑަށް ޕޮޒިޓިވްވެއްޖެ
އާދީއްތަ ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 51 ދިވެހިން
ކޮވިޑް-19، މާލޭގެ މަގުމަތި
ކޮވިޑް-19 ޖެހިގެން އާދީއްތަ ދުވަހު ޕޮޒިޓިވްވީ 65 މީހުން ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފިއެވެ.
އެޗްޕީއޭ އިން ހާމަކޮށްފައިވާ މައުލޫމާތުތަކަށް ބަލާ އިރު، އާދީއްތަ ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 51 ދިވެހިންނާއި އެހެނިހެން ގައުމުތަކަށް ނިސްބަތްވާ 14 މީހުންނެވެ. މިއާއެކު ރާއްޖޭގައި ޕޮޒިޓިވްވި މީހުންގެ އަދަދު ވަނީ 10،530ށް އަރާފައެވެ.
އެޗްޕީއޭއިން ބުނީ 65 މީހުންގެ ތެރެއިން މާލެ ސަރަހައްދުން ޕޮޒިޓިވްވީ 54 މީހުން ކަމަށާއި، އަތޮޅު ތެރެއިން 11 މީހަކު ޕޮޒިޓިވްވެފައިވާ ކަމަށެވެ. އެކްޓިވް ކޭސްގެ އަދަދަށް ބަލާއިރު ހޮސްޕިޓަލުގައި ފަރުވާ ދެމުން އަންނަ 67 މީހުންނާއެކު 1125 މީހަކު ހިމެނެއެވެ.
ރާއްޖޭގައި ކޮވިޑް ފެތުރެން ފެށިފަހުން 10،500ށް ވުރެ ގިނަ މީހުން ޕޮޒިޓިވްވި ނަމަވެސް، މީގެ ތެރެއިން 9364 މީހަކު ވަނީ ބަލިން ރަނގަޅުވެފައެވެ. އައިސޮލޭޝަން ފެސިލިޓީތަކުގައި 492 މީހަކު އެބަ ތިއްބެވެ. މި ބަލީގައި 34 މީހަކު ވަނީ ނިޔާވެފައެވެ. މީގެ ތެރޭގައި ގިނައީ ދިވެހިންނެވެ.
