މޫސުން ގޯސްވެ ތިމަރަފުށީގައި ފެންބޮޑުވެއްޖެ
ފެންވަދެފައިވަނީ ކިހާ އަދަދެއްގެ ގެއަކަށް ކަމެއް ސާފެއް ނުވޭ
މޫސުން ގޯސްވެ ތިމަރަފުށީގައި ފެންބޮޑުވުން
ރާއްޖެއަށް މިހާރު ކުރަމުންދާ ވިއްސާރައިގައި ތިމަރަފުށީގައި ފެންބޮޑުވެއްޖެއެވެ.
ތިމަރަފުށީ ކައުންސިލްގެ ރައީސް އިސްމާއިލް އިބްރާހިމް ވިދާޅުވީ މިއީ ކޮންމެ އަހަރަކު ވެސް ދިމާވާ މައްސަލައެއް ކަމަށާއި މިފަހަރު ފެންބޮޑުވެފައިވަނީ ރަށުގެ އުތުރުކޮޅުގައި ކަމަށެވެ.
އަދި ފެން ހިންދުމުގެ މަސައްކަތް މިވަގުތު އެއް ޕަންޕް ބޭނުން ކޮށްގެން ކުރަމުން ގެންދާއިރު، ގެތަކަށް ފެންވަދެފައިވާ މިންވަރާއި، ފެން ވަދެފައިވަނީ ކިހާ އަދަދެއްގެ ގެޔަކަށްތޯ ކައުންސިލުން ސާފުކުރަމުން ގެންދާ ކަމަށެވެ.
އަދި މި މައްސަލައަށް ހައްލު ހޯދުމަށްޓަކައި ސަރުކާރުކާރުން ފެން ހިންދުމުގެ ނިޒާމް ޤާއިމް ކުރުމަށް މަސައްކަތްތަކެއް ކުރަމުންދާ ކަމަށް ވެސް ކައުންސިލްގެ ރައީސް ވިދާޅުވި އެވެ.
އޭނާ ވިދާޅުވީ ތިމަރަފުއްޓަށް އިއްޔެ އިން ފެށިގެން ބޯކޮށް ވާރޭ ވެހެމުންދާ ކަމަށެވެ.
މޫސުމާއި ބެހޭ ގައުމީ އިދާރާއިން ވެސް ބުނެފައިވަނީ ރާއްޖޭގެ ބައެއް ހިސާބުތަކަށް ގުގުރުމާއި އެކު ބޯކޮށް ވާރޭވެހޭނެ ކަމަށެވެ.
އެހެންކަމުން ކަނޑު ދަތުރު ކުރާ ފަރާތްތަކުން މޫސުމަށް ބަލައިގެން ދަތުުރު ކުރުމަށް މޫސުމާއި ބެހޭ ޤައުމީ އިދާރާ އިން ވަނީ އިލްތިމާސްކޮށްފައެވެ.
