ޓްރީ ޓޮޕް ހޮސްޕިޓަލުން ޙިތާނީ ޕެކޭޖް 2020 ތަޢާރަފްކޮށްފި އެވެ.
ޑިސެމްބަރު 31، 2020ގެ ނިޔަލަށް މި ޕެކޭޖަށް ނަން ނޯޓު ކުރުމުގެ ފުރުސަތު ހުޅުވާލާފައިވާއިރު، އަދި މިޕެކޭޖްގެ ދަށުން ޙިތާނީ ކޭމްޕް ފެށުމަށް ހަމަޖެހިފައިވަނީ އޮކްޓޯބަރު 15، 2020 ވަނަ ދުވަހުން ފެށިގެންނެވެ.
ޓްރީ ޓޮޕް ހޮސްޕިޓަލުގެ ޙިތާނީ ކޭމްޕްގައި އިސްކޮށް ހަރަކާތްތެރިވަނީ އޮޕަރޭޝަނަށް ޚާއްސަ ޑޮކްޓަރުންނާއި، ކުޑަކަމުދާ ނިޒާމަށް ޚާއްސަ ޑޮކްޓަރުންނާއި، ހޭނެއްތުން އަދި އައްސި ކުރުމަށް ޚާއްސަ ޑޮކްޓަރުންނާއި ނަރުހުންގެ ޚާއްސަ ޓީމެއް ކަމަށް އެ ހޮސްޕިޓަލުން ބުންޏެވެ.
މިއަހަރުގެ ޙިތާނީ ޕެކޭޖްގައި، ޙިތާނު ކުރާ ޑޮކްޓަރާއި ހޭނައްތާ ޑޮކްޓަރުގެ އެޕޮއިންޓްމަންޓާއި، ލެބް ޓެސްޓުތަކާއި، އޮޕަރޭޝަނަށް ބޭނުންވާ ތަކެއްޗާއި ބޭސް، ޑޭ-ކެއަރ ޔުނިޓްގެ އަގުތަކާއި އަދި އޮޕަރޭޝަނަށްފަހު ޑޮކްޓަރަށް ދެއްކުމުގެ އެޕޮއިންޓްމަންޓް އެކުލަވާލެވިފައިވެއެވެ. އަދި އޮޕަރޭޝަނަށްފަހު ނާސްތާއެއްގެ އިތުރުން، ޙާއްސަ އަގުތަކުގައި ރޫމް އަޕްގްރޭޑް ކުރުމުގެ ފުރުސަތު ހުޅުވާލެވިފައިވެއެވެ.
ޙިތާނީ ޕެކޭޖަށް ނަން ނޯޓު ކުރުމަށް 3351610 ގުޅުއްވައިގެން ނަން ނޯޓު ކުރެވޭނެއެވެ. ޙިތާނީ ޕެކޭޖްގެ އަގަކީ އާސަންދައަށް ކެނޑުމަށްފަހު 4000ރ އެވެ.
