މިިފްކޯއިން މަސްވެރިންނަށް ތެޔޮ ވިއްކާ އަގު އަނެއްކާވެސް ހެޔޮކޮށްފި

މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) އިން މަސްވެރިންނަށް ތެޔޮ ވިއްކާ އަގު އަނެއްކާވެސް ހެޔޮކޮށްފިއެވެ.

މިފްކޯ އިން ބުނީ މަސް ގަންނަ ސެންޓަރުތަކަށް ތެޔޮ ވިއްކާނީ ލީޓަރެއް 6.89 ރުފިޔާއަށް ކަމަށެވެ. އަދި މަސްދޯނިފަހަރުގެ ތެލުގެ ޑިއުޓީ އިނާޔަތް އުނިކުރުމުން މަސްވެރިންނަށް ޑީސަލް ލީޓަރެއް 6.67 ރުފިޔާއަށް ލިބިގެންދާނެ ކަަމަށެވެ.

Advertisement

އެގޮތުން އަގަށް މިގެނަވުނު ބަދަލާއި ގުޅިގެން މަސްވެރިނަށް ޑިސަލް ލިޓަރަކުން 0.66 ލާރި އަގު ހެޔޮވެގެންދާނެ ކަމަށް މިފްކޯ އިން ބުންޏެވެ.

މީގެ ކުރިން މިފްކޯ އިން މަސްގަންނަ ސެންޓަރު ތަކާއި ބޯޯޓުފަހަރުން ޑީސަލް ލީޓަރެއް މަަސް ދޯނި ފަހަރަށް ވިއްކާފައިވަނީ 7.33 ރުފިޔާއެވެ. އަދި އާންމު ފަރާތްތަކަށް ޑީސަލް ލީޓަރެއް ވިއްކި އަގަކީ 13.00 ރުފިޔާއެވެ.

ސަރުކާރުން މި ބަދަލު ގެނެސްފައިވާއިރު ޑިއުޓީ އުނިކޮށްފައިވާ ޑީސަލް ވިއްކާނީ ފިޝަރީޒް މިނިސްޓްރީން ދޫކުރާ މަސްވެރިކަމުގެ ލައިސަންސް އޮންނަ އުނޅަދުތަކަށް އެކަންޏެވެ.

މަސްވެރިންނަށް ވިއްކާ ތެލުގެ އަގު ހެޔޮކޮށްފައިވާއިރު ހަތް އަހަރަށް ފަހު މިފްކޯ އިން މަސްވެރިންގެ އަތުން މަސް ގަންނަމުން ދިޔަ އަގުގެ ކޮންޓްރޯލް ދޫކޮށްލުމަށް ވެސް ވަނީ ނިންމާފައެވެ.

މިފްކޯއިން އަގު ކޮންޓްރޯލް ކުރުމަށްފަހު މަސް ގަންނަމުން އައިސްފައިވަނީ 20 ރުފިޔާއަށެވެ. ނަމަވެސް މިހާރު ގެނައި ބަދަލާއެކު ދުނިޔޭގެ ބާޒާރުގައި މަހުގެ އަގަށް އަންނަ ކޮންމެ ބަދަލެއް ގެނައުމުގެ ބާރު މިފްކޯ އަށް ލިބިގެންދާނެއެވެ.