ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީވުމަށް އެދި ފޯމު ހުށަހަޅާފައިވާ ފަރާތްތަކުގެ ތެރެއިން ޝަރުތު ހަމަނުވާ ފަރާތްތަކަށް ޝަކުވާ ހުށަހެޅުމުގެ މުއްދަތު އިސްލާމިކް މިނިސްޓްރީ އިން އިތުރުކޮށްފިއެވެ.
އެ މިނިސްޓްރީއިން ނެރެފައިވާ އިއުލާނެއްގައި ބުނީ ފަގީރުންގެ ދަފްތަރު ރިވިއު ކުރުމަށް 6 ޖުލައި 2020ން ފެށީގެން 23 ޖުލައި 2020ށް ހުޅުވާލި ފުރުސަތުގައި ދަފްތަރުގައި ރަޖިސްޓްރީ ވުމަށް އެދި ފޯމު ހުށަހަޅާފައިވާ ފަރާތްތަކުގެ ތެރެއިން ޝަރުތު ހަމަނުވާ ފަރާތްތަކަށް ޝަކުވާ ހުށަހެޅުމަށްް އިތުރު ފުރުސަތެއް ދޭން ނިންމާފައިވާ ކަމަށެވެ.
އެގޮތުން 27 ސެޕްޓެމްބަރ 2020ން 29 ސެޕްޓެމްބަރ 2020 ގެ ނިޔަލަށް މި ފުރުސަތު ހުޅުވާލައިފައި ވާނެކަމަށް ވެސް އެ މިނިސްޓްރީން ބުންޏެވެ.
ޝަރުތު ހަމަނުވާ ފަރާތްތަކުން ޝަކުވާ އާއި ހުށަހަޅަންޖެހޭ ލިޔުންތައް 29 ސެޕްޓެމްބަރ 2020 ގެ މެންދުރުފަހު 1400 ގެ ކުރިން އެ މިނިސްޓްރީއަށް މެއިލްކުރުމަށް ވަނީ އެދިފައެވެ.
