އެތައް މަސްތަކެއްގެ އިންތިޒާރަކަށް ފަހު އައިއޯއެސް 14 ސެޕްޓެމްބަރ 16 ވާ ބުދަ ދުވަހު ނެރުމަށް ނިމްމައިފިއެވެ.
މިކަން ހާމަކޮށްފައި މިވަނީ ޓެކް ޖަޔަންޓްގެ / އެޕަލްގެ ޓައިމް ފްލައިސް އިވެންޓްގެ ތެރެއިންނެވެ. މި އިވެންޓްގެ ތެރެއިން އެޕްލް ވޮޗް ސީރީޒް 6 އާއި އައިޕެޑް އެއަރ އަދި އެއިޓްތު ޖެނެރޭޝަން އައިޕެޑްވެސް ހަމަ އެ ދުވަހު ނެރުމަށް ހަމަޖެހިފައިވެއެވެ.
ތަފާތު ހޯމް ސްކްރީނަކާއި އައު ސީރީޒްގެ ފީޗާސް ތަކާއި އެޕް ކްލިޕްސް ތަކާއިއެކު ނެރުމަށް ހަމަޖެހިފައިވާ މި އައިއޯއެސް 14 ލިބެން ހުންނާނީ ހަމައެކަނި އެޕަލް 6-އެސް އިން މަތީގެ ފޯނުތަކަށެވެ.
އައިއޯއެސް 14 އާއިއެކު އައިޕެޑްއޯއެސް 14 ވެސް ހަމަ އެދުވަހު ނިކުންނާނެ ކަމަށް ބުނެފައިވާއިރު އައިޕެޑްއޯއެސް ގެ ހާއްސަ އެއް ކަމަކީ މީގައިވާ އެޕަލް ޕެންސިލް އިން ސްކްރީނުގައި ކުރަހާލެވިގެން މި ލިޔެވޭ ބަސްކޮޅު ޓެކްސްޓް ކޮޅަށް ބަދަލު ވެގެންދާކަމެވެ.
ގިނަ މީހުން ހީކުރި ގޮތުގައި މި އިވެންޓްގައި އައިފޯން 12 ރިލީސް ކުރާނެ އެވެ. އެހެންނަމަވެސް ކަންވެގެން ދިޔައީ މުޅިއަކުން ހީކުރި ގޮތަކަށް ނޫނެވެ.
އެޕަލް އައިއޯއެސް 14 ގެ ޓީޒާ އެއް ބެލުންތެރިންނަށް އެންމެ ފުރަތަމަ ދައްކާލައިފައި މިވަނީ ފާއިތުވި ޖޫން މަހުގެ ތެރޭގައެވެ.
