އިންޑިއާއިން 24 ގަޑިއިރު ތެރޭގައި 94،372 މީހުން ކޮވިޑް-19 އަށް ޕޮޒިޓިވްވެ، 1،114 (އެއްހާސް އެއްސަތޭކަ ސާދަ) މީހުން އެ ގައުމުން މަރުވެއްޖެއެވެ.

އިންޑިއާގެ ހެލްތު މިނިސްޓްރީގެ ޑާޓާތަކުން ދައްކާ ގޮތުގައި އެ ގައުމުން މިހާތަނަށް 78،586 މީހުން ވަނީ މިބަލީގައި މަރުވެފައެވެ. އަދި އެގައުމުން މިހާތަނަށް 4 މިލިއަނަށްވުރެ ގިނަ މީހުން ވަނީ މި ބައްޔަށް ޕޮޒިޓިވްވެފައެވެ.

އިންޑިއާއިން މި ބަލި އެންމެ ބޮޑަށް ފެތުރެމުން އަންނަނީ އެގައުމުގެ ވެރިކަން ކުރާ ސިޓީ ނިއު ދިއްލީންނާއި ވިޔަފާރީގެ ރަށެއްގައެވެ.

130 މިލިއަން މީހުންގެ އާބާދީއެއް އޮންނަ މަހަރަޝްތްރަ ސްޓޭޓަށް ސަރޖެއް އައިސްފައިވާއިރު މުޅި އިންޑިޔާގައި ކޮވިޑް-19 ޖެހިފައިވާ މީހުންގެ ހަތަރު ބައި ކުޅަ އެއް ބައި ހިއްސާ ކުރަނީ އެ ސްޓޭޓުންނެވެ. އިންޑިޔާގައި މިހާރު ވެސް 4.6 މިލިއަން މީހުންނަށް ކޮވިޑް-19 ޖެހިފައިވާއިރު ކުރިޔަށް އޮތް މަދު ދުވަސްތަކުގައި އެގައުމުގައި ވައިރަސް ޖެހޭ މީހުންގެ އަދަދު 5 މިލިއަނަށް އަރާނެ ކަމަށް ވަނީ ބެލެވިފައެވެ

މަހުރަޝްތު ސްޓޭޓްގެ ޗީފް މިނިސްޓަރ އުދުވާވް ޗެކަރީ ވިދާޅުވީ އެ ސްޓޭޓުގައި ކޮވިޑް ފެތުރުން ހުއްޓުވުމަށް މިހާރު އަޅާފައިވާ ފިޔަވަޅުތައް އިތުރަށް ވަރުގަދަ ކުރުމަށް މަސައްކަތް ކުރަމުން އަންނަ ކަމަށާއި، އަދި މި ފިޔަވަޅުތަކާއި ހިލާފުވާ ފަރާތްތަކަށް ހަރުކަށި އަދަބު ދޭން ނިންމާފައިވާ ކަމަށެވެ.

އިންޑިޔާގައި ވައިރަސް ފެތުރޭ މިންވަރު ކޮންޓްރޯލް ކުރުމަށް ގޮންޖެހުންތަކެއް ކުރިމަތިވަމުންދާއިރު އިންޑިޔާގެ ބޮޑުވަޒީރު ނަރެންދްރަ މޯދީ ގެންދަވަނީ އެގައުމުގެ އިގްތިޞާދު ހުޅުވާލުމަށް މަސައްކަތް ކުރައްވަމުންނެވެ. އިންޑިޔާގެ އިގްތިޞާދު ވަނީ މިދިޔަ އަހަރުގެ ދެ ވަނަ ކުއަރޓަރ އާ އަޅާބަލާއިރު 23.9 އިންސައްތަ މިއަހަރުގެ ދެ ވަނަ ކުއަރޓަރ ގައި ދަށަށް ގޮސްފައެވެ.