ބޮޑުފުޅަދޫގައި ޚާއްސަ އެހީއަށް ބޭނުންވާ އަންހެނަކާ ގަދަކަމުން ބަދުއަހުލާގީ އަމަލު ހިންގިކަމުގެ ތުހުމަތުގައި ދެމީހަކު ހައްޔަރުކޮށްފި
11 ސެޕްޓެމްބަރު 2020 | ހުކުރު 13:02މިހާދިސާ ހިނގާފައިވަނީ 9 ސެޕްޓެންބަރުވީ ބުދަ ދުވަހު ރޭގެ ވަގުތެއްގައި
އަމްނާ އިމާދު | 11 ސެޕްޓެމްބަރު 2020 | ހުކުރު 13:02
އއ.ބޮޑުފުޅަދޫ، މިމައްސަލަ ފުލުހުން ދަނީ އިތުރަށް ތަހުގީގު ކުރަމުން
އއ. ބޮޑުފުޅަދޫގައި ޚާއްސަ އެހީއަށް ބޭނުންވާ އަންހެނަކާ ގަދަކަމުން ބަދުއަހުލާގީ އަމަލު ހިންގިކަމުގެ ތުހުމަތުގައި ދެ ފިރިހެނުން ހައްޔަރުކޮށްފި އެވެ.
ފުލުހުން ބުނީ 09 ސެޕްޓެންބަރު ވީ ބުދަ ދުވަހުގެ ރޭގެ ވަގުތެއްގައި ޚާއްސަ އެހީއަށް ބޭނުންވާ އަންހެނަކު އެރަށުގެ ދޯނި އެހެލާ ބަނދަރަށް ގެންގޮސްގެން ދެމީހަކު ވެގެން އޭނާ އާ ގަދަކަމުން ބަދުއަހުލާގީ އަމަލު ހިންގައި ވީޑިއޯ ކޮށްފައިވާ މައްސަލައެއް ހުށަހަޅާފައިވާ ކަމަށެވެ.
މި މައްސަލައާ ގުޅިގެން ކޯޓު އަމުރެއްގެ ދަށުން 28 އަހަރުގެ ދިވެހި ފިރިހެނަކާއި 23 އަހަރުގެ ދިވެހި ފިިރިހެނެއް ވަނީ ހައްޔަރުކޮށްފައިވާ ކަމަށެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
