ކ. މާލެ
|
9 ސެޕްޓެންބަރ 2020 | ބުދަ 12:30
މެންޗެސްޓާ ސިޓީއަށް ކުޅެމުން އަންނަ ބެލްޖިއަމްގެ މިޑްފީލްޑަރު ކެވިން ޑިބްރޭނާ
މެންޗެސްޓާ ސިޓީއަށް ކުޅެމުން އަންނަ ބެލްޖިއަމްގެ މިޑްފީލްޑަރު ކެވިން ޑިބްރޭނާ
ގެޓީ އިމޭޖަސް
ޕީއެފްއޭގެ މޮޅު ކުޅުންތެރިޔާ ހޮވުން
ޕީއެފްއޭއިން ހޮވި ޕްރިމިއާ ލީގުގެ އެންމެ މޮޅު ކުޅުންތެރިއަކަށް ޑިބްރޭނާ
 
މިއީ ސިޓީގެ ކުޅުންތެރިއަކު ޕީއެފްއޭގެ އެވޯޑް ހޯދި ފުރަތަމަ ފަހަރު
 
މިއީ ޑިބްރޭނާ ޕީއެފްއޭގެ މި އެވޯޑް ހޯދި ފުރަތަމަ ފަހަރު

ޕްރޮފެޝަނަލް ފުޓްބޯލާސް އެސޯސިއޭޝަން (ޕީއެފްއޭ) އިން ހޮވި މިދިޔަ ސީޒަނުގެ އިނގިރޭސި ޕްރިމިއާ ލީގުގެ އެންމެ މޮޅު ކުޅުންތެރިޔާގެ މަގާމު މެންޗެސްޓާ ސިޓީއަށް ކުޅެމުން އަންނަ ބެލްޖިއަމްގެ މިޑްފީލްޑަރު ކެވިން ޑިބްރޭނާ ހޯދައިފިއެވެ.

މިއީ މިދިޔަ ސީޒަނުގައި ސިޓީއާއެކު މޮޅު ކުޅުމެއް ދެއްކި އުމުރުން 29 އަހަރުގެ ޑިބްރޭނާ، ޕީއެފްއޭގެ މި އެވޯޑް ހޯދި ފުރަތަމަ ފަހަރެވެ. އަދި މިއީ ސިޓީގެ ކުޅުންތެރިއަކު ޕީއެފްއޭގެ އެވޯޑް ހޯދި ފުރަތަމަ ފަހަރެވެ.

ކުޅުންތެރިންގެ ވޯޓުން ހޮވާ މި އެވޯޑާ ޑިބްރޭނާއާ އެންމެ ގާތުން މި މަގާމަށް ވާދަކޮށްފައިވަނީ މިދިޔަ އަހަރު މި އެވޯޑް ހޯދި ޗެމްޕިއަން ލިވަޕޫލްގެ ޑިފެންޑަރު ވާޖިލް ވެން ޑައިކާއި، ޒުވާން ޑިފެންޑަރު ޓްރެންޓް އަލެކްސަންޑަ-އާނޯލްޑާއި، ފޯވާޑް ސަޑިއޯ މާނޭ އާއި މިޑްފީލްޑަރު ޖޯޑަން ހެންޑަސަންގެ އިތުރުން ސިޓީގެ ފޯވާޑް ރަހީމް ސްޓާލިންއެވެ.

ޑިބްރޭނާ ވަނީ ޕީއެފްއޭގެ އެންމެ މޮޅު ކުޅުންތެރިޔާގެ މަގާމުގެ އިތުރުން މިދިޔަ ސީޒަނުގެ ޕްރިމިއާ ލީގުގެ އެންމެ މޮޅު ކުޅުންތެރިޔާގެ މަގާމުވެސް ހޯދާފައެވެ. އޭނާ ވަނީ މިދިޔަ ސީޒަނުގެ ޕްރިމިއާ ލީގުގައި ސިޓީއަށް 13 ލަނޑު ޖަހައިދިނުމުގެ އިތުރުން، 20 ލަނޑު ކާމިޔާބުކުރުމަށް އެހީތެރިވެފައެވެ.

މިދޔަ ސީޒަނުގެ ޕްރިމިއާ ލީގު ސިޓީން ނިންމާލީ ތާވަލުގެ ދެވަނައިގައި އޮވެގެންނެވެ. އެޓީމު ދެވަނައިގައި އޮތީ ޗެމްޕިއަންކަން ހޯދި ލިވަޕޫލަށް ވުރެން 18 ޕޮއިންޓް ފަހަތުގައެވެ. ސިޓީއަށް 81 ޕޮއިންޓް ލިބުނުއިރު، ލިވަޕޫލަށް ވަނީ 99 ޕޮއިންޓް ލިބިފައެވެ.

މީގެ އިތުރުން ޕީއެފްއޭއިން ހޮވި މިދިޔަ ސީޒަނުގެ ޕްރިމިއާ ލީގުގެ އެންމެ އުންމީދީ ކުޅުންތެރިއަކަށް ހޮވުނީ ޒުވާން ޑިފެންޑަރު އާނޯލްޑެވެ. އޭނާ އެވޯޑް ހޯދީ މެންޗެސްޓާ ޔުނައިޓެޑްގެ މާކަސް ރަޝްފޯޑާއި. މޭސަން ގްރީންވުޑްގެ އިތުރަށް، ޗެލްސީގެ ޓެމީ އަބްރަހަމް އާއި، މޭސަން މައުންޓް އަދި އާސެނަލްގެ ބުކާޔޯ ސަކާއާ ވާދަކޮށްގެންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
0%
0%
0%
0%
0%
0%
ކޮމެންޓް