ގެއްލިގެން ހޯދަމުން ދިޔަ ޑިންގީ ފެނިއްޖެ
30 އޯގަސްޓު 2020 | އާދީއްތަ 08:54އާދިއްތަ ދުވަހުގެ މެންދުރު 12:13 ހާއިރު، ކިނޮޅަހަށް ވަދެފައިވާކަމުގެ މައުލޫމާތު ލިބޭ
އެމްއެންޑީއެފްގެ ކޯސްޓްގަރޑް ކަނޑުމަތީގައި ހަރަކާތްތެރިވަނީ
ރ. ކިނޮޅަހަށް ދަތުރު ކުރަމުން ދަނިކޮށް ގެއްލިގެން ހޯދަމުންދިޔަ ޑިންގީ ފެނިއްޖެއެވެ.
އެމްއެންޑީއެފުން ބުނީ ޚަބަރެއް ނުވެގެން ހޯދަމުންދިޔަ ޑިންގީ އާދިއްތަ ދުވަހުގެ މެންދުރު 12:13 ހާއިރު، ކިނޮޅަހަށް ވަދެފައިވާ ކަމަށް އުނޅަދު ވެރިފަރާތުން ކޯސްޓްގަރޑްއަށް މައުލޫމާތު ދީފައިވާ ކަމަށެވެ.
އާދިއްތަ ދުވަހުގެ ހެނދުނު 10:45 ހާއިރު ޑިންގީއެއް ޚަބަރެއް ނުވެގެން ރިޕޯޓު ކުރުމާއި ގުޅިގެން ޑިންގީ ހޯދުމުގެ މަސައްކަތް އެމްއެންޑީއެފް ނޮދާން އެރިޔާ ކޯސްޓްގަރޑް ސްކޮޑްރަންއިން ވަނީ ކޮށްފައެވެ.
ޑިންގީގައި ތިބި ދެމީހުންގެ ހާލު ރަނގަޅު ކަމަށް މައުލޫމާތު ލިބިފައިވާއިރު އެމީހުން ދަތުރު ކުރީ ރ. މާމުނަގައު ރިސޯޓުން ފުރައިގެން ކިނޮޅަހަށް 15 ފޫޓުގެ ޑިންގީއެއްގައެވެ.
