މާބަނޑު އަންހެނުން ޕޮޒިޓިވްވާ އަދަދު ދަނީ އިތުރުވަމުން، މިއީ ކަންބޮޑުވުމެއް: ޑރ. އަފްޒަލް
29 އޯގަސްޓު 2020 | ހޮނިހިރު 18:09އެ ފަރާތްތަކަށް ވަކިން ޚާއްސަކޮށް ސަމާލުކަމެއް ދީގެން ބަލިން ރައްކާތެރިކުރުމަށް މަސައްކަތް ކުރަން ޖެހޭ
ލްތު ޕްރޮޓެކްޝަން އޭޖެންސީ (އެޗްޕީއޭ)ގެ އެޕިޑޮމޮލޮޖިސްޓް ޑރ. އިބްރާހިމް އަފްޒަލް
މާބަނޑު އަންހެނުން ކޮވިޑް-19 ށް ޕޮޒިޓިވްވަމުންދާ އަދަދު ދަނީ އިތުރުވަމުން ކަމަށާއި މިއީ ކަންބޮޑުވާންޖެހޭ ކަމެއް ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ އެޕިޑޮމޮލޮޖިސްޓް ޑރ. އިބްރާހިމް އަފްޒަލް ވިދާޅުވެއްޖެއެވެ.
އެޗްއީއޯސީގެ ނޫސްވެރިންގެ ބައްދަލުވުމުގައި ވާހަކަދައްކަވަމުން ޑރ. އަފްޒަލް ވިދާޅުވީ މާބަނޑު މީހުންނަކީ މި ބަލީގައި ހައި ރިސްކު ކެޓެގަރީގައި ހިމެނޭ މީހުން ކަމަށެވެ. އެހެންކަމުން އެ ފަރާތްތަކަށް ވަކިން ޚާއްސަކޮށް ސަމާލުކަމެއް ދީގެން ބަލިން ރައްކާތެރި ކުރުމަށް މަސައްކަތް ކުރަން ޖެހޭ ކަމަށް ޑރ. ވިދާޅުވިއެވެ.
މީގެ އިތުރުން އުމުރުން 18 އަހަރާއި 40 އަހަރާއި ދެމެދުގެ ފިރިހެނުން ބައްޔަށް ޕޮޒިޓިްވާ މިންވަރު ވެސް އިތުރުވެފައިވާކަން ފާހަގަކުރައްވާ ޑރ. އަފްޒަލް ވިދާޅުވީ އެފަރާތްތަކުގެ އުމުރާއި ސިއްހަތުގެ ގޮތުން ބައްޔެއް ޖެހިފައި ހުރިކަން ނޭނގިދާނެ ކަމަށެވެ. އަދި ރައްކާތެރިކަމުގެ ފިޔަވަޅު ނޭޅޭ ނަމަ ގޭގައި ދިރިއުޅޭ، ނުވަތަ، އާއިލާގެ ހައިރިސްކު މީހުންނަށް ބަލި ޖެހުން ވަރަށް ގާތްކަމަށް ވެސް ވިދާޅުވިއެވެ.
މިހާތަނަށް ރާއްޖެއިން 7500ށް ވުރެ ގިނަ މީހުން ބައްޔަށް ޕޮޒިޓިވްވެފައިވާއިރު ބަލިން ރަނގަޅުވި މީހުންގެ އަދަދު ވަނީ 4925ށް އަރާފައެވެ. ހޮނިހިރު ދުވަހު ޕޮޒިޓިވްވި 109 މީހުންނާއެކު ފަރުވާ ދެމުންދާ މީހުންގެ އަދަދަކީ 2619 އެވެ.
