ކ. މާލެ
|
28 އޯގަސްޓް 2020 | ހުކުރު 22:03
ބިދޭސީންތަކެއް ފުރަންވެގެން ގޮސް އެއާޕޯޓުގައި
ބިދޭސީންތަކެއް ފުރަންވެގެން ގޮސް އެއާޕޯޓުގައި
ރާއްޖެއެމްވީ
ބިދޭސީންގެ ވިސާގެ މައްސަލަ
ވިސާގެ މުއްދަތު އިތުރު ނުކޮށް ފުރޭނެ ގޮތް ހަމަޖައްސައިފި
ފުރޭނީ ވީސާގެ މުއްދަތު މާޗް މަހުގެ 19 ގެ ފަހުގެ ތާރީހަކަށް ހަމަވެފައިވާނަމަ
މަސައްކަތް ކުރަނީ ހިދުމަތް ހޯދާ ފަރާތްތަކުގެ ރައްކާތެރިކަމަށް
އީމެއިލް ކުރުމަށް އިމިގްރޭޝަނުން ވަނީ އިލްތިމާސް ކޮށްފައި

ޓޫރިސްޓް ވިސާ، ބިޒްނަސް ވިސާ އަދި ކަނޑު ބޯޓުތަކުން ރާއްޖެ އެތެރެވެފައިވާ ފަރާތްތަކުގެ ތެރެއިން، ދޫކޮށްފައިވާ ވީސާގެ މުއްދަތު މާޗް މަހުގެ 19 ގެ ފަހުގެ ތާރީހަކަށް ހަމަވެފައިވާނަމަ، މުއްދަތު އިތުރުނުކޮށް ފުރޭނެ އިންތިޒާމު އިމިގްރޭޝަނުން ހަމަޖައްސައިފި އެވެ.

އިމިގްރޭޝަނުން ބުނީ، ފުރުމުގެ ހުއްދަ ލިބޭނީ، ފުރިހަމަކޮށްފައިވާ IM34 ފޯމް (އެޕްލިކޭޝަން ފޯ އިމަރޖެންސީ ޑިޕާޗާ) އިމިގްރޭޝަންގެ ޑިޕާޗާ ކައުންޓަރަށް ހުށަހެޅުމުން ކަމަށެވެ. އަދި ބިދޭސީން ރާއްޖެއިން ފުރުމުގެ ކުރިން އޮންލައިންކޮށް "ޓްރެވަލަރސް ހެލްތް ޑިކްލަރޭޝަން" ފުރިހަމަ ކުރުމަށް އިމިގްރޭޝަނުން ވަނީ އިިލްތިމާސް ކޮށްފައެވެ. IM34 ފޯމް ހުށައަޅައިގެން ރާއްޖެއިން ފުރޭނެ އެންމެ ފަހު ތާރީހަކީ އޮކްޓޫބަރު މަހުގެ 31 އެވެ. މާޗް މަހުގެ19 ގެ ކުރީގެ ތާރީހަކަށް ހަމަވެފައިވާ ފަރާތްތަކުން ވީސާގެ މުއްދަތު އިތުރުކުރުމަށް އެދި ހުށަހަޅާ ފޯމާއި އެހެނިހެން ލިޔެކިއުންތައް،އީމެއިލްކުރުމަށް އެ އިދާރާއިން އެދެއެވެ.

އިމިގްރޭޝަނުން ބުނީ، ކޮވިޑުގެ މިދަނޑިވަޅުގައި ވެސް މަސައްކަތްކުރަނީ ހިދުމަތް ހޯދާ ފަރާތްތަކުގެ ރައްކާތެރިކަމަށް ހާއްސަ ސަމާލުކަމެއް ދީގެން ކަމަށެވެ. އެހެން ކަމުން އެމީހެއްގެ ނުވަތަ އެ ކުންފުންޏެއްގެ ބެލެނިވެރިކަމުގެ ދަށުގައިވާ ބިދޭސީ ފަރާތްތަކުގެ ވިސާގެ ކަންކަން ފަހަށް މަޑުނުކޮށް ގަވާއިދުން ފުރިހަމަ ކުރަމަށް އިމިގްރޭޝަނުން އެދެއެވެ.

- ކޮމެންޓް