ރައްޔިތުންގެ ސިއްހީ ރައްކާތެރިކަން ނަގާލުމާއި ހިޔާލުފާޅުކުރުމުގައި ވަރަށް ބޮޑު ފަރަގެއްވޭ: މިނިސްޓަރު އިމްރާން
28 އޯގަސްޓު 2020 | ހުކުރު 16:17ވަނީ ސިއްހީ ކުއްލި ނުރައްކަލުގެ ހާލަތާއި ގުޅިގެން އެޗްޕީއޭގެ މިންގަނޑުތަކަ ތަބާވާން ޖެހޭނެ
ހޯމް މިނިސްޓަރު އިމްރާން އަބްދުﷲ
ރައްޔިތުންގެ ސިއްހީ ރައްކާތެރިކަން ނަގާލުމާއި ހިޔާލުފާޅުކުރުމުގައި ވަރަށް ބޮޑު ފަރަގެއް ވާކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
މިނިސްޓަރި އިމްރާން މިހެން ވިދާޅުވީ މިރޭ އެމަނިކުފާނު ކުރެއްވި ޓްވީޓެއްގައެވެ. އެމަނިކުފާނު ވަނީ ސިއްހީ ކުއްލި ނުރައްކަލުގެ ހާލަތާއި ގުޅިގެން އެޗްޕީއޭ އިން ކަނޑައަޅާފައިވާ މިންގަނޑުތަކަށް ހުރިހާ ފަރާތްތަކުން ވެސް ތަބާވުމަށް ގޮވާލާފައެވެ.
ހޯމް މިނިސްޓަރު މިގޮތަށް ޓްވީޓުކުރައްވާފައި މިވަނީ މިއަދު އިދިކޮޅު ކޯލިޝަނުން އެއްވުމެއް ބާއްވާފައި ވަނިކޮށެވެ. އެގޮތުން އެ އެއްވުމުގައި އިދިކޮޅު ކޯލިޝަންގެ ލީޑަރޝިޕްގެ ގިނަ އަދަދެއްގެ ބަޔަކު ބައިވެރިވެފައިވާއިރު، އެމީހުންގެ ތެރެއިން ގިނަ މީހުން ތިބި މާސް ކުވެސް ނާޅައެވެ. އަދި ގައިދުރުކަން ވެސް އެއްވުމުގެ ތެރެއިން ފެނިގެން ގޮސްފައެއް ނުވެއެވެ.
