އެޗްއީއޯސީގެ ފްރަންޓްލައިން މުވައްޒަފުންގެ އެކޮމަޑޭޝަން ހަމަޖެއްސުމަށް ބަޔަކު ހޯދަނީ
28 އޯގަސްޓު 2020 | ހުކުރު 08:24ޝީޓު ހުށަހަޅަން ޖެހޭނީ 7 ސެޕްޓެމްބަރުގެ 14:00 ގެ ކުރިން
އެޗްއީއޯސީގެ ބައްދަލުވުމެއްގެ ތެރެއިން
ކޮވިޑް-19 އާއި ގުޅިގެން ހެލްތު އެމަރޖެންސީ އޮޕަރޭޝަން ސެންޓަރ (އެޗްއީއޯސީ)ގައި މަސައްކަތް ކުރާ ފްރަންޓްލައިން މުވައްޒަފުންގެ އެކޮމަޑޭޝަން ހަމަޖެއްސުމަށް، ޝައުގުވެރިކަން ހުރި ފަރާތްތަކަށް އެކަމަށް އެދި ހުށަހަޅުމަށް ހެލްތު މިނިސްޓްރީން އިއުލާން ކޮށްފިއެވެ.
މިކަމަށް ޝައުޤުވެރިވާ ފަރާތްތަކުން 30 އޮގަސްޓް ވާ އާދީއްތަ ދުވަހުން ފެށިގެން 07 ސެޕްޓެމްބަރވާ ހޯމަ ދުވަހުގެ މެންދުރުފަހު 14:00 ގެ ކުރިން heocadmin@health.gov.mv އަށްގެޒެޓްކުރެވިފައިވާރެޖިސްޓްރޭޝަން ޝީޓް ފުރުމަށްފަހު އީމެއިލް ކުރުމަށް ވަނީ އެދިފައެވެ. އަންދާސީ ހިސާބު ހުށަހެޅުން އޮންނާނީ 16 ސެޕްޓެމްބަރ ވާ ބުދަ ދުވަހުގެ މެންދުރު 13:00 ގައި ހެލްތު އެމަރޖެންސީ އޮޕަރޭޝަން ސެންޓަރ (ދަރުބާރުގެ، އަމީނީމަގު) ގައެވެ.
މި އިއުލާނާއި ގުޅޭގޮތުން އެއްވެސް މައުލޫމާތެއް ސާފުކުރަން ބޭނުންކަމުގައިވާނަމަ 13 ސެޕްޓެމްބަރ ވާ އާދިއްތަ ދުވަހުގެ މެންދުރު 12:00 ކުރިން heocadmin@health.gov.mv އަށް މެއިލް ކުރުމަށް ވަނީ އެދިފައެވެ. އަދި ރެޖިސްޓަރ ކުރައްވާފައިނުވާ ފަރާތްތަކަށް އަންދާސީ ހިސާބު ހުށަނޭޅެނެ ކަމަށް ވެސް ހެލްތު މިނިސްޓްރީން ބުނެއެވެ.
ރާއްޖޭގައި ކޮވިޑް-19 ޖެހޭ މީހުންގެ އަދަދު ޖުލައި މަސް ނިމެންދަނިކޮށް މައްޗަށްދާން ފެށިގޮތަށް އަދިވެސް ކޭސްތައް އަންނަނީ އިތުރުވަމުންނެވެ. އެއާއެކު އެޗްއީއޯސީގެ މަސައްކަތްތައް ފުޅާކުރުމުގެ މަސައްކަތް އަންނަނީ ކުރަމުންނެވެ.
