ބަންދުގައި ބަހައްޓައިގެން ކޯޓަށް ހާޒިރު ކުރުމަށް މީހަކު ހޯދުމުގެ މަސައްކަތް ފުލުހުން ފަށައިފިއެވެ.

ފުލުހުން ބުނީ، ކޯޓު އަމުުރެއްގެ ދަށުން ހޯދަމުން ދަނީ ލ.ފޮނަދޫ، ލިޔޯ، ޙުސައިން އަސްލަމް (38އ) ކަމަށެވެ. އެގޮތުން އޭނާ ހޯދަމުންދަނީ ނިލަންދެއަތޮޅު އުތުރުބުރީ ނިލަންދޫ މެޖިސްޓްރޭޓް ކޯޓަށް ހުށަހަޅާފައިވާ މައްސަލައަކާ ގުޅިގެން އެކޯޓަށް ޙާޟިރުކުރަން ބޭނުންވެ ޙާޟިރު ކުރެވިފައި ނުވާތީ ކަމަށްވެސް ފުލުހުން މައުލޫމާތު ދެއެވެ.

އޭގެ އިތުރުން، އޭނާ ހޯދަމުން ދަނީ ނިލަންދޫ މެޖިސްޓްރޭޓް ކޯޓުގައި ބަލަމުންދާ ސާބިތު ޚަރަދަށް ފައިސާ ނުދެއްކުމުގެ މައްސަލައަކާ ގުޅިގެން ކަމަށްވެސް ފުލުހުން މައުލޫމާތުދެއެވެ. އަދި އޯގަސްޓް 30 ވަނަ ދުވަހުގެ 10:00 އަށް ނިލަންދެއަތޮޅު އުތުރުބުރީ ނިލަންދޫ މެޖިސްޓްރޭޓް ކޯޓަށް އޭނާ ޙާޟިރު ކޮށްދިނުމަށް ފުލުހުންގެ މައްޗަށް ކޯޓުން އަމުރެއް ނެރިފައިވާކަމަށްވެސް ބުނެފައިވެއެވެ.

ޙުސައިން އަސްލަމާ ބެހޭ އެއްވެސް މަޢުލޫމާތެއް ލިބިފައިވާނަމަ ޕޮލިސް ކަސްޓޯޑިއަލް ޑިޕާޓްމަންޓްގެ ނަންބަރު 9991442 އަށް ގުޅައި ހިއްސާ ކޮށްދިނުމަށް ފުލުހުން އެދިފައިވެއެވެ.