އަލީ ވަހީދު މައްސަލާގައި ފުލުހުން މައުލޫމާތު ނުދިން!
22 އޯގަސްޓު 2020 | ހޮނިހިރު 06:56އެންމެ ފަހުން މީޑިއާ އަށް މައުލޫމާތު ދިނީ ޖުލައި 16 ގައި
ކުރީގެ ޓޫރިޒަމް މިނިސްޓަރު އަލީ ވަހީދު
މުވައްޒަފުން ތަކަކަށް ޖިންސީ ގޯނާކުރި ކަމުގެ ތުހުމަތުގައި މަގާމުން ވަކިކުރި ކުރީގެ ޓޫރިޒަމް މިނިސްޓަރު އަލީ ވަހީދުގެ މައްސަލާގައި މައުލޫމާތު ދޭން ފުލުހުން ދެކޮޅު ހަދައިފިއެވެ.
ބުރާސްފަތި ދުވަހުން ފެށިގެން އެ މައްސަލަ ގޮސްފައި އޮތް ހިސާބު ބަލަން ރާއްޖެ.އެމްވީން ފުލުހުންގެ މީޑިއާ އޮފިޝަލަށް ގުޅާލުމުން ތަކުރާރުކޮށް ވިދާޅުވަނީ ''ފަހުން ޖަވާބެއް ދޭނެ'' ކަމަށެވެ. އޭގެ ފަހުން ހުކުރު ދުވަހު ގުޅާލުމުންވެސް މީޑިއާ އޮފިޝަލް ވިދާޅުވީ، ހަމަ އެއް ޖަވާބެކެވެ. ހޮނިހިރު ދުވަހު މައްސަލަ ގޮސްފައި އޮތް ހިސާބު އޮޅުން ފިލުވަން ރާއްޖެ.އެމްވީން ގުޅާލުމުން ފުލުހުންގެ މީޑިއާ އޮފިޝަލް ފޮނުވާފައިވާ ޓެކްސްޓް މެސެޖެއްގައި ބުނީ، ހަފްތާ ބަންދަށްވާތިވެ، އެ މައުލޫމާތު ދޭންވާ ވަރަށްވުރެ ގިނަ ވަގުތު ނަގާ ކަމަށެވެ. އަދި ފަހުން އަޕްޑޭޓެއް ހާމަކުރާނެ ކަމަށް އޭނާ ވިދާޅުވި އެވެ.
އަލީ ވަހީދުގެ މައްސަލާގައި ފުލުހުން މީޑިއާ އަށް މައުލޫމާތު ދީފައިވަނީ ޖުލައި މަހުގެ 16 ވަނަ ދުވަހު ބޭއްވި ޕްރެސް ކޮންފަރެންސްގައެވެ. އޭގެ ފަހުން މީޑިއާ އަށް އެއްވެސް މައުލޫމާތެއް ފުލުހުން ހިއްސާއެއް ނުކުރެ އެވެ.
އެ ޕްރެސްކޮންފަރެންސް ގައި ފުލުހުން ބުނީ، އެ މައްސަލަ އާއި ގުޅިގެން 15 މީހެއްގެ ބަޔާން ނަގާފައިވާ ކަމަށެވެ.
