ނިލަންދޫ އިން އިތުރު ބަޔަކު ކޮވިޑް-19 އަށް ޕޮޒިޓިވްވެއްޖެ

ފ. އަތޮޅު ނިލަންދޫއިން އިތުރު 2 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

ހެލްތް އިމަރޖެންސީ އޮޕަރޭޝަންސް ސެންޓަރ (އެޗްއީއޯސީ) އިން ހުކުރު ދުވަހު ބުނީ، ފ އަތޮޅު ނިލަންދޫއިން ދެ އަންހެނުން ޕޮޒިޓިވްވެފައިވާ ކަމަށެވެ. އެއީ 36 އަހަރާއި، 56 އަހަރުގެ 2 މީހުން ކަމަށް އެޗްއީއޯސީން މައުލޫމާތުދެއެވެ.

އަދި އެ ދެމީހުންނަކީ މާލެ އިން ރަށަށް ދަތުރު ކުރުމަށްފަހު ހޯމް ކަރަންޓީނުގައި ތިބި މީހުން ކަމަށެވެ.

އެޗްއީއޯސީން މިހެން ބުނެފައިވާއިރު ހުކުރު ދުވަހު އެރަށުން ދެ ފިރިހެނުން ވަނީ ކޮވިޑަށް ޕޮޒިޓިވްވެފައެވެ. މައުލޫމާތު ލިބޭގޮތުގައި އެއީ 30 އަހަރާއި، 43 އަހަރުގެ 2 ފިރިހެނުންނެވެ.

ޕޮޒިޓިވް ކޭސްތަކެއް ފެނުމާއެކު، އެރަށް ވަނީ މޮނިޓަރިންގއަށް ލެވިފައެވެ.