ބުރާސްފަތި 24 ސެޕްޓެންބަރ 2020
04 އަތަ
1442 ސަފަރު 06
ފަތިސް 04:42
އިރުއަރާ 05:54
މެންދުރު 12:02
އަސްރު 15:07
އިރުއޮއްސޭ 18:03
އިޝާ 19:14
އިންޑިއާ އަށް ބޭސްފަރުވާ އަށް ދިޔަ މީހުން

އިންޑިއާ އަށް ބޭސްފަރުވާ އަށް ދިޔަ 8 ދިވެހިން ކޮވިޑް-19 އަށް ޕޮޒިޓިވް

  • މިހާތަނަށް 285 މީހަކު އިންޑިއާ އަށް ބޭސްފަރުވާ އަށް ފޮނުވާފައިވޭ
  • ޕޮޒިޓިވްވީ އަމްރިތާ ހޮސްޕިޓަލަށް ދިޔަ ހަތަރު މީހަކާއި ކިމްސް ހޮސްޕިޓަލަށް ދިޔަ ހަތަރު މީހެއް

ކ. މާލެ | 9 އޯގަސްޓް 2020 | އާދީއްތަ 07:14 | 3,063

އިންޑިއާ އަށް ދިވެހިން ބޭސްކުރަންދާ އަމްރިތާ ހޮސްޕިޓަލް - ވިކިޕީޑިއާ

އާސަންދައިގެ ދަށުން ބޭސްފަރުވާ އަށް އިންޑިއާ އަށް ދިޔަ މީހުންގެ ތެރެއިން އަށް ދިވެއްސަކު ކޮވިޑް-19 އަށް ޕޮޒިޓިވްވެއްޖެ އެވެ.

ހެލްތް އިމަރޖެންސީ އޮޕަރޭޝަން ސެންޓަރު (އެޗްއީއޯސީ) ގައި ހޮނިހިރު ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު ޑރ. ނަޒްލާ ރަފީގް ވިދާޅުވީ އިންޑިއާ އަށް ދިޔަ ދިވެހިންގެ ތެރެއިން 8 މީހަކު ޕޮޒިޓިވްވި ކަމަށާއި އޭގެ ތެރެއިން ދެ މީހަކު ކޮވިޑަށް ޕޮޒިޓިވްވިކަން އެނގުނީ ހޮނިހިރު ދުވަހު ކަމަށެވެ. ޕޮޒިޓިވްވީ އަމްރިތާ ހޮސްޕިޓަލަށް ދިޔަ ހަތަރު މީހަކާއި ކިމްސް ހޮސްޕިޓަލަށް ދިޔަ ހަތަރު މީހެއް ކަމަށް ޑރ. ނަޒްލާ ވިދާޅުވިއެވެ.

ޕޮޒިޓިވްވި މީހުންގެ ތެރޭގައި ބަލި މީހުންނާއި އެމީހުންގެ އެހީތެރިންގެ ގޮތުގައި ގޮސްތިބި މީހުން ވެސް ހިމެނެއެވެ.

ޚާއްސަ ހުއްދައެއްގެ ދަށުން އިންޑިއާ އަށް ބޭސްފަރުވާއަށް ދިވެހިން ފޮނުވަނީ ކޮވިޑް-19 އަށް ޓެސްޓް ކުރުމަށް ފަހުގައެވެ. އެ ގައުމަށް ދިއުމަށް ފަހު ހޮސްޕިޓަލުގައި ކަރަންޓީން ވާންޖެހެއެވެ.

އާސަންދައިގެ ހަރަދުގައި ފަރުވާ ހޯދުމަށް ހަތަރު ވަނަ ބެޗު އެ ގައުމަށް ފުރީ ހުކުރު ދުވަހު އެވެ. މިހާތަނަށް 285 މީހަކު އިންޑިއާ އަށް ބޭސްފަރުވާ އަށް ފޮނުވާފައިވާ އާސަންދަ އިން ވަނީ ބުނެފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.