ކ. މާލެ
|
7 އޯގަސްޓް 2020 | ހުކުރު 07:04
ބޭރޫތް ގައި ހިނގި ބާރުގަދަ ގޮވުންތަކަށް ފަހު އެސަރަހައްދުގައި މިލިޓަރީ ހަރަކާތްތެރި ވަނީ
ބޭރޫތް ގައި ހިނގި ބާރުގަދަ ގޮވުންތަކަށް ފަހު އެސަރަހައްދުގައި މިލިޓަރީ ހަރަކާތްތެރި ވަނީ
އޭޕީ
ބޭރޫތުގައި ގޮވި ބާރުގަދަ ގޮވުން
"ބޭރޫތު ބްލާސްޓް" އާ ގުޅިގެން 16 މީހަކު ހައްޔަރުކޮށްފި
 
ބާރުގަދަ ގޮވުންތަކާއި ގުޅިގެން މިހާތަނަށް އައިއިރު 157 މީހަކު މަރުވެފައިވޭ
 
ހުރިހާ މީހުންނަކީވެސް ބޭރޫތު ޕޯޓުގައި މަސައްކަތް ކުރާ މުވައްޒަފުން
 
ބުރާސްފަތި ދުވަހު 18 މީހަކު ތަހުޤީޤީ އިދާރާއަށް ހާޒިރުކޮށް ސުވާލު ކޮށްފައިވޭ

ލުބުނާނުގެ ވެރިރަށް ބޭރޫތުގައި ގޮވި ބާރުގަދަ ގޮވުންތަކާއި ގުޅިގެން ކުރެވެމުންދާ ތަހުޤީޤު ތަކުގެ ދަށުން މިހާތަނަށް 16 މީހަކު ހައްޔަރު ކޮށްފިއެވެ.

އެ ޤައުމުގެ މިލިޓަރީ ޕްރޮސެކިއުޓަރާ ޙަވާލާދީ "އަލްޖަޒީރާ" ގައި ރިޕޯޓް ކޮށްފައިވާ ގޮތުން ބުރާސްފަތި ދުވަހު 18 މީހަކު ތަހުޤީޤީ އިދާރާއަށް ހާޒިރުކޮށް ސުވާލު ކޮށްފައިވާއިރު، އެ ހުރިހާ މީހުންނަކީ ވެސް ބޭރޫތު ޕޯޓުގައި މަސައްކަތް ކުރާ މުވައްޒަފުންނެވެ. އަދި އޭގެ ތެރެއިން ހައްޔަރު ކޮށްފައިވަނީ 16 މީހެކެވެ.

ލުބުނާންގެ މިލިޓަރީ ޕްރޮސެކިއުޓަރ ފާދީ އަކީކީ ވިދާޅުވީ، އެ 16 މީހުންގެ ތެރޭގައި ޕޯޓް އަދި ކަސްޓަމްސް އޮފިސަރުންނާއި، މެއިންޓެނެންސް މީހުންގެ އިތުރުން މެނޭޖަރުން ވެސް ހިމެނެއެވެ.

އަލްޖަޒީރާގައި ރިޕޯޓް ކޮށްފައިވާ ގޮތުން ލުބުނާންގެ މަރުކަޒީ ބޭންކުން ވަނީ ޕޯޓް އަދި ކަސްޓަމްސް މުވައްޒަފުންތަކެއްގެ ބޭންކް އެކައުންޓްތައް ވެސް ފްރީޒް ކުރުމުގެ އަމުރެއް ބުދަ ދުވަހު ނެރެފައެވެ.

ބޭރޫތުގައި އަންގާރަ ދުވަހު ގޮވި ބާރުގަދަ ގޮވުންތަކާއި ގުޅިގެން މިހާތަނަށް އައިއިރު 157 މީހަކު މަރުވެފައިވާ ކަމަށް އެ ގައުމުގެ ހެލްތު މިނިސްޓްރީން ބުނެއެވެ. އަދި 5000އާ ގާތްކުރާ އަދަދަކަށް މީހުން ޒަޚަމްވެފައިވާ ކަމަށް އެ ގައުމުގެ ހެލްތު މިނިސްޓްރީއާ ހަވާލާދީ ރޮއިޓަރސް އިން ބުނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
0%
100%
0%
0%
0%
0%
ކޮމެންޓް