ބޮޑުފިނޮޅު މައްސަލައިގައި ނެރެފައިވާ ބަޔާންތަކުގައި ޓްރާންސްޕޭރެންސީގެ ބައިވެރިވުމެއް ނެތް
5 އޯގަސްޓު 2020 | ބުދަ 11:3619 ބިދޭސީންގެ ތެރެއިން ޓްރާންސްޕޭރެންސީ މޯލްޑިވްސްއިން ގާނޫނީ ލަފާދެނީ 6 މީހަކަށް
ބޮޑުފިނޮޅުގައި މަސައްކަތް ކުރަމުންދިޔަ ބިދޭސީއަކު ވަކީލަކާ ވާހަކަ ދައްކަނީ
ބޮޑުފިނޮޅު މައްސަލައިގައި ހައްޔަރުކުރި 19 ބިދޭސީންގެ ނަމުގައި ބައެއް ފަރާތްތަކުން ނެރެފައިވާ ބަޔާންތަކާއި ހިއްސާކޮށްފައިވާ މައުލޫމާތުގައި ޓްރާންސްޕޭރެންސީ މޯލްޑިވްސްގެ ބައިވެރިވުމެއް ނެތް ކަމަށް އެ ޖަމިއްޔާއިން ބުނެފިއެވެ.
ރިސޯޓެއްގެ ގޮތުގައި ތަރައްގީކުރަމުން އައި ބ. ބޮޑުފިނޮޅުގައި 2 ޖުލައި 2020 ގައި ހިނގާދިޔަ ހާދިސާއާ ގުޅިގެން 19 ބިދޭސީއަކު ހައްޔަރުކޮށްފައިވާއިރު، ޓްރާންސްޕޭރެންސީ މޯލްޑިވްސްގެ ހިލޭ ގާނޫނީ ލަފާދޭ މަރުކަޒުން އަންނަނީ އެތަނުން 5 ބިދޭސީއަކަށް ބޭނުންވާ ގާނޫނީ އެހީތެރިކަން ފޯރުކޮށްދެމުންނެވެ.
ޓްރާންސްޕޭރެންސީ މޯލްޑިވްސް އިން ނެރުނު ބަޔާނެއްގައި ބުނީ، ހައްޔަރުކުރި އަދި އެ 5 ބިދޭސީންނަށް ގާނޫނީ އެހީތެރިކަން ފޯރުކޮށްދިނުމުގައި ފުލުހުންގެ އެއްބާރުލުން ލިބިފައިވާކަން އެ ޖަމިއްޔާގެ ބަޔާނުގައި ވަނީ ފާހަގަކޮށްފައެވެ. އަދި އެހެން ފަރާތްތަކުން އެ 19 ބިދޭސީން ތަމްސީލުކުރުމުގެ ނަމުގައި ނެރެފައިވާ ނޫސްބަޔާންތަކާއި ހިއްސާކޮށްފައިވާ މައުލޫމާތުތަކުގައި އެ ޖަމިއްޔާއާއެކު މަސައްކަތްކުރަމުންދާ އެއްވެސް ވަކީލަކު ޝާމިލް ނުވާކަމަށް ބަޔާންކޮށްފައިވެއެވެ.
ބޮޑުފިނޮޅުގައި ތިބި ބިދޭސީ މަސައްކަތްތެރިންނަށް މުސާރަ ނުދީ ގިނަ ދުވަސްވުމާ ގުޅިގެން ކުރި މުޒާހަރާގައި އެ ފަރާތްތަކުން ފަނީ އެ ރަށުގައި ހުރި ތަކެއްޗަށް ގެއްލުންދީ، ދިވެހިންގެ ބަޔަކު ރަހީނުކޮށްފައެވެ. އަދި އެ ރަށަށް އަރަން ދިޔަ ފުލުހުންނާ ދިމާލަށް ދަގަނޑާއި ގައު ފަދަ ތަކެތި އުކާ، ހަމަނުޖެހުން ހިންގާފައިވެއެވެ. މި މައްސަލައިގައި ޝާމިލްވާ ފަރާތްތައް ފުލުހުންގެ ބަންދުން ދޫކޮށްލުމަށް ވަނީ އިމިގްރޭޝަނާ ހަވާލުކޮށްފައެވެ.
ޓްރާންސްޕޭރެންސީ މޯލްޑިވްސް އިން މި ބަޔާން ނެރެފައިވަނީ، މި މައްސަލައިގައި ޝާމިލުވާ ބައެއް ފަރާތްތަކުގެ ވަކީލުން ފުލުހުންނަށާއި ސީލް ކުންފުނީގެ ބައެއް ފަރާތްތަކަށް ސީރިއަސް ތުހުމަތުތަކެއް ކޮށްފައިވާ ދަނޑިވަޅެއްގައެވެ. އެގޮތުން ހައްޔަރުކުރި 19 ބިދޭސީންނަކީ ސީލް ކުންފުނީގެ ބޭފުޅަކު ރެންޑަމްކޮށް ހޮވާލި ބަޔަކު ކަމަށް ތުހުމަތުކޮށްފައިވެއެވެ.
