ކޮވިޑް ޖެހިގެން ރާއްޖެއިން 18 ވަނަ މީހާ ނިޔާވެއްޖެ
ނިޔާވިއިރު ފަރުވާދެމުން ދިޔައީ ހުޅުމާލޭ މެޑިކަލް ފެސިލިޓީގަ
ލައިޝާ އަހްމަދު | 2 އޯގަސްޓު 2020 | އާދީއްތަ 17:00
ކޮވިޑް-19 އަށް ރެންޑަމް ސާމްޕަލް ނެގުމުގެ ތެރެއިން
ކޮވިޑް-19 ޖެހިގެން ރާއްޖެއިން 18 ވަނަ މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، ނިޔާވެފައިވަނީ އުމުރުން 89 އަހަރުގެ ދިވެހި ފިރިހެނެއް ކަމަށެވެ. އޭނާ ނިޔާވެފައިވަނީ އާދިއްތަ ދުވަހުގެރޭ 08:57 ގައި ކަމަށް އެޗްޕީއޭއިން މައުލޫމާތުދެއެވެ.
އޭނާ ނިޔާވިއިރު ފަރުވާދެމުން ދިޔައީ ހުޅުމާލޭ މެޑިކަލް ފެސިލިޓީގައެވެ. އަދި މިއީ ރާއްޖެއިން ކޮވިޑް-19 ޖެހިގެން މަރުވި 18 ވަނަ މީހާ ކަމަށްވެސް އެޗްޕީއޭއިން މައުލޫމާތުދެއެވެ.
