ރާއްޖެ
ކޮވިޑް-19ގެ 17 ވަނަ މަރު
ކޮވިޑް-19 ޖެހުނު 52 އަހަރުގެ ދިވެހި އަންހެނެއް ނިޔާވެއްޖެ، މިއީ 17 ވަނަ މަރު
އެމީހާ ނިޔާވެފައިވަނީ ހޮނިހިރު ދުވަހުގެ ރޭ 11:20 ހާއިރު
އުމްނާ އިސްމާއިލް, ރާއްޖެ އެމްވީ | 1 އޯގަސްޓު 2020 | ހޮނިހިރު 20:15
އައިޖީއެމް ހޮސްޕިޓަލް؛ އަންހެން މީހާ ނިޔާވީ އެމަރޖެންސީގައި ފަރުވާދެމުން ދަނިކޮށް
ކޮވިޑް-19 ޖެހިގެން ރާއްޖޭގައި އުމުރުން 52 އަހަރުގެ ދިވެހި އަންހެނެއް ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ، (އެޗްޕީއޭ) އިން ކޮށްފައިވާ ޓުވީޓެއްގައި ވަނީ ހޮނިހިރު ދުވަހުގެ ހަވީރު 04:40 ހާއިރު 52 އަހަރުގެ ދިވެހި އަންހެނެއް ނޭވާލާން އުނދަގޫވެގެން އައިޖީއެމްއެޗްގެ އެމަރޖެންސީ ރޫމަށް ގެންދެވުނު ކަމަށެވެ. އެމީހާ ނިޔާވީ ފަރުވާ ދެމުންދަނިކޮށް ކަމަށް އެޗްޕީއޭ އިން ވަނީ ބުނެފައެވެ.
މިއީ ރާއްޖޭގައި ކޮވިޑް-19 ޖެހިގެން ނިޔާވި 17 ވަނަ މީހާއެވެ. އެމީހާ ނިޔާވެފައިވަނީ ހޮނިހިރު ދުވަހުގެ ރޭ 11:20 ހާއިރުއެވެ.
