ކ. މާލެ
|
31 ޖުލައި 2020 | ހުކުރު 12:08
ބަހްރެއިންގެ ހޮސްޕިޓަލެއްގައި ކޮވިޑް ބަލިމީހުންނަށް ފަރުވާ ދެނީ
ބަހްރެއިންގެ ހޮސްޕިޓަލެއްގައި ކޮވިޑް ބަލިމީހުންނަށް ފަރުވާ ދެނީ
ބަހްރެއިން އޮންލައިން ނިއުސް
ކޮވިޑް19-ބަހްރެއިން
ގަސްތުގައި ކޮރޯނާ ވައިރަސް ފެތުރި މީހަކު ޖަލަށް ލާން ބަހްރެއިންގެ ކޯޓަކުން ހުކުމް ކޮށްފި
 
ކަރަންޓީން އުސޫލާ ޚިލާފުވާ މީހުންވެސް ބަހުރެއިންގައި ޖަލަށް

ކޮވިޑް ބަލިޖެހިފައިވާ މީހަކު އެހެން މީހުންނަށް ބަލި ޖައްސަން ގަސްތުގައި އުޅުމުގެ ކުށުގައި 3 އަހަރަށް ޖަލަށް ލުމަށް ބަހްރެއިންގެ ކޯޓަކުން ހުކުމް ކޮށްފިއެވެ.

ބަހްރެއިންގެ ނިއުސް އޭޖެންސީ ބުދަ ދުވަހު ހާމަ ކޮށްފައިވާ ގޮތުގައި، ބައްޔަށް ޕޮސިޓިވް ވެފައިވަނިކޮށް މި މީހާ ވަނީ ފޭސް މާސްކް ނަގާ، ސިއްހީ ޚިދުމަތްދޭ ތަނެއްގައި ޑޮކްޓަރުންގެ މޫނަށް ކެއްސާ ކިނބިހި އަޅާފައެވެ.

އޭގެ އިތުރުން އަމިއްލަ އަތައް ކެއްސުމަށްފަހު، ގަސްދުގައި ވައިރަސް ފެތުރުމަށް ޑޮކްޓަރުންގެ ގައިގައި އަތްއުނގުޅާފައިވެއެވެ.

ޖަލު ހުކުމުގެ އިތުރުން 1،000 ބަހުރެއިން ދީނާރުން އޭނާ ވަނީ ކޯޓުން ޖުރިމަނާވެސް ކޮށްފައެވެ.

ބަހުރެއިންގައި މިހާތަނަށް ސާޅީސް ހާހަށްވުރެ ގިނަ މީހުންނަށް ކޮވިޑް ޖެހިފައިވާ އިރު، ބަލީގައި 145 މީހުން ވަނީ މަރުވެފައެވެ.

ކޮވިޑް ބަލި ފެތުރުން ކޮންޓްރޯލް ކުރުމުގެ ގޮތުން ބަހުރެއިންގައި ވަނީ ހަރުކަށި ފިޔަވަޅުތައް އަޅާފައެވެ. ކަރަންޓީން ކުރުމުގެ އުސޫލާ ޚިލާފްވާ މީހުން ތިން މަސް ދުވަހަށް ޖަލަށް ނުވަތަ އެއްހާހާ، ދިހަހާސް ދީނާރާ ދެމެދުގެ އަދަދަކުން ޖުރިމަނާ ކުރުން ނުވަތަ މި ދެ އަދަބު ދޭނެ ކަމަށް ބަހުރެއިނުން ވަނީ އާއްމުކޮށް އިއުލާން ކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ރާއްޖެ އެމްވީ
0%
0%
0%
0%
0%
0%
ކޮމެންޓް