ފަޅުތައް ނުހިމަނާ ރަށްތަކުގެ އަގު 3.4 ބިލިއަން ރުފިޔާއަށް އަރާ
އެސެޓް ރިކަވަރީ ކޮމިޝަންގެ ރައީސް އަހުމަދު އައްސަދު
މޯލްޑިވްސް މާކެޓިންގް އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) މެދުވެރިކޮށް ހިންގާފައިވާ ޚިޔާނާތުގައި ދޫކޮށްފައިވާ ރަށްރަށާއި ގުޅިގެން ހިންގި ތަހުގީގުން ރަށްތަކާއި ފަޅުތައް ދޫކޮށްފައިވަނީ ގާނޫނީ އިމުގެ ތެރެއިން ނޫން ކަމަށް ކޮމިޝަނަށް ފާހަގަވެފައިވާކަމަށް އެސެޓް ރިކަވަރީ ކޮމިޝަނުން ބުނެފިއެވެ.
ބުރާސްފަތި ދުވަހު، ބޭއްވި ނޫސްވެރިންގެ ބައްދަލުވުމުގައި ކޮމިޝަންގެ ރައީސް އަހުމަދު އައްސަދު ވިދާޅުވީ މި މައްސަލައިގެ ތަހުގީގު ކުރިއިރު ތިން ކަމަކަށް އިސްކަމެއް ދިން ކަމަށެވެ.
އައްސަދު ވިދާޅުވީ ދޫކޮށްފައިވާ 49 ފަޅާއި ރަށް ކުއްޔަށް ދީފައިވާ އަގަކީ ހަމަ އަގުތޯ، ކަށަވަރު ކުރުމަށްޓަކައި އޭރު ބޭނުންކުރެވުނު މިންގަނޑުތަކަށް ފައްތައިގެން ސަރޓިފައިޑް އޮޑިޓަރއެއް މެދުވެރިކޮށް މަސައްކަތް ކުރި ކަމަށެވެ.
ރަށްތަކާއި ފަޅުތައް ދޫކޮށްފައިވަނީ ގާނޫނީ އިމުގެ ތެރެއިންތޯ ބެލިއިރު، އެ ރަށްތަކާއި ފަޅުތައް ދޫކޮށްފައިވަނީ ގާނޫނީ އިމުގެ ތެރެއިން ނޫން ކަން ކޮމިޝަނަށް ފާހަގަވެފައިވާކަމަށް އޭނާ ވިދާޅުވިއެވެ. އެގޮތުން، އެންޓި ކޮރަޕްޝަން ކޮމިޝަން (އޭސީސީ) އިން ހޯދާފައިވާ ލިޔެކިޔުންތަކައި އެސެޓް ރިކަވަރީ ކޮމިޝަނުން ހޯދި ލިޔެކިޔުންތަކުން މި މުއާމަލާތުގެ ގާނޫނީ ސައްހަކަމާއި މެދު ސުވާލު އުފެދޭ ކަމަށެވެ. އެހެންނަމަވެސް، ކޮމިޝަނުގައި ތިއްބެވީ ގާނޫނީ މާހިރުންނަށް ނުވާތީ އޭސީސީއާ އެ މައުލޫމާތު ހިއްސާކޮށްފައިވާނެ ކަމަށެވެ.
މުއާމަލާތް ހިންގާފައިވާ ގޮތް:
ކޮމިޝަންގެ ރައީސް ވިދާޅުވީ މި މުއާމަލާތްތައް ހިންގުމުގައި ބޭނުންކޮށްފައިވަނީ އިސްތިސްނާ ހާލަތު ކަމަށެވެ. އެގޮތުން ރަށެއް ދޫކުރުމަށްޓަކައި ސަރުކާރުގެ ކުންފުންޏަކާއި ސަރުކާރާއި ޖޮއިންޓް ވެންޗަރއެއް ހަދާ، އެމްއެމްޕީއާރުސީއަށް ދިނުމަށްފަހު ހަމަ އެދުވަހު އެ މޭޒު މަތިން، އެ ރަށް އެހެން ފަރާތަކަށް ބަދަލުކޮށްފައިވާ ކަމަށް އޭނާ ވިދާޅުވިއެވެ. އަދި މިގޮތަށް މުއާމަލާތްތައް ހިންގާފައި ހުރުމުން އެއީ ގާނޫނުގައި އޮތް ކަމެއް ފޮރުވުމަށް ކޮށްފައިވާ މަސައްކަތެއްކަން އެނގޭ ކަމަށެވެ.
އައްސަދު ވިދާޅުވީ ފަޅުތަކުގެ އަގު ދެނެގަތުމަށްޓަކައި ބޭނުން ކުރާނެ އުސޫލެއް ނެތް ކަމަށެވެ. ރަށްރަކުގެ އަގު ދެނެގަތުމަށްޓަކައި ބޭނުންކުރާ އުސޫލުގެ މައްޗަށް ބިނާކޮށް، އެ ރަށްތަކުގެ އަގު 220 މިލިއަން ޑޮލަރަށް އަރާނެ ކަމަށް އަންދާޒާ ކުރެވޭ ކަމަށެވެ.
ފަޅުތައް ހިމަނައިފިނަމަ 4 ބިލިއަން ރުފިޔާއަށް ވުރެ ވުރެ މައްޗަށް މި އަދަދު އަރައިގެންދާނެ ކަމަށް އަންދާޒާ ކުރެވޭއިރު ދައުލަތަށް ލިބިފައިވަނީ މި އަދަދުގެ އެންމެ ހަތަރުބައިކުޅަ އެއްބައި ކަމަށް އޭނާ ވިދާޅުވިއެވެ.
އައްސަދު ވިދާޅުވީ މި މައްސަލައާއި ގުޅިގެން ދެ ލަފާއެއް ކޮމިޝަންގެ ފަރާތުން އަރުވާފައިވާނެ ކަމަށެވެ.
އެއީ:
