ކަފުޖަހައިގެން ގެންދިޔަ ޑިންގީއެއް ބަންޑުން ޖަހާލައި އަޑިއަށްދާތީ އެމްއެންޑީއެފް އެހީތެރިކަން ފޯރުކޮށްދީފި
18 ޖުލައި 2020 | ހޮނިހިރު 09:01މިހާދިސާގެ މައުލޫމާތު ލިބިފައިވަނީ ހުކުރު ދުވަހުގެ ރޭ މެންދަމު 1:16 ގައި
ކަފުޖަހައިގެން ގެންދިޔަ ޑިންގީ ބަންޑުން ޖަހާލާފައި، މޫސުން ގޯސްވުމާ ގުޅިގެން ކަނޑުމަތީގެ ހާދިސާތައް ދަނީ ހިނގަމުން
ކަފުޖަހައިގެން ގެންދިޔަ ޑިންގީއެއް ބަންޑުން ޖަހާލައި އަޑިއަށްދާތީ އެމްއެންޑީއެފް ސަދާން އެރިއާގެ ކޯސްޓްގަރޑް ސްކޮޑްރަން އިން އެހީތެރިކަން ފޯރުކޮށްދީފިއެވެ.
އެމްއެންޑީއެފުން ބުނީ އައްޑޫ އަތޮޅުގެ އުތުރުން 16 ނޯޓިކަލް މޭލު ބޭރުން ދަތުރުކުރަމުން ދިޔަ ''ބެސްޓް ލައިން'' ބޯޓު ގައި ކަފު ޖަހާފައި އޮތް 22 ފޫޓުގެ ޑިންގީއެއް މޫސުން ގޯސްވެ ބަންޑުން ޖަހާލައިގެން އަޑިއަށްދާތީ އެމްއެންޑީއެފްގެ ކޯސްޓްގަރޑުން އެހީތެރިކަން ފޯރުކޮށްދީފައިވާ ކަމަށެވެ.
މި ހާދިސާގެ މައުލޫމާތު ލިބިފައިވަނީ ހުކުރު ދުވަހުގެ ރޭ މެންދަމު 1:16 ގައި ކަމަށް އެމްއެންޑީއެފުން ބުނެއެވެ.
އެމްއެންޑީއެފުން ބުނީ މިހާދިސާގައި ބަންޑުން ޖަހާލި ޑިންގީ އެމްއެންޑީއެފް ކޯސްޓްގަރޑްގެ އެހީތެރިކަމާއެކު ފެންމައްޗަށް ނަގައި ބޯޓުގައި ކަފު ޖަހައިދީފައިވާ ކަމަށެވެ.
މި ބޯޓު އައްޑޫ ސިޓީއަށް ދަތުރުކުރަމުންދާއިރު، އެއްވެސް މީހަކަށް އަނިޔާއެއް ލިބިފައިނުވާ ކަމަށް އެމްއެންޑީއެފުން ބުނެއެވެ.
ރާއްޖޭގެ މޫސުން ގޯސްވުމާ ގުޅިގެން ކަނޑުމަތީގެ ބައެއް ހާދިސާތައް ދަނީ ހިނގަމުންނެވެ.
