ޑޮލަރު ވިއްކާކަމަށް ބުނެ ފައިސާ ނަގާ، ޚިޔާނާތްތެރިވާ މައްސަލަތައް އިތުރުވެއްޖެ
މަކަރާއި ހީލަތުން ފައިސާ އަތުލަމުންދާ މީހުން ހަރަކާތްތެރިވަނީ ސޯޝަލް މީޑިއާގެ އެކި ޕްލެޓްފޯމްތަކުގަ
މަކަރާއި ހީލަތުން ފައިސާ އަތުލަމުންދާ މީހުން ހަރަކާތްތެރިވަނީ ސޯޝަލް މީޑިއާގެ އެކި ޕްލެޓްފޯމްތަކުގަ
ޔޫއެސް ޑޮލަރު ހޯދަދޭނެ ކަމަށް ބުނެ މަކަރާއި ހީލަތުން ގިނަ އަދަދުތަކުން މީހުން އަތުން ފައިސާ ނެގުމަށް ފަހު އެ ފައިސާއަށް ޚިޔާނާތްތެރިވާ މައްސަލަތައް ފަހަކަށް އައިސް ހުށަހެޅޭލެއް އިތުރުވެފައިވާ ކަމަށް މޯލްޑިވްސް ޕޮލިސް ސަރވިސްއިން ބުނެފިއެވެ.
ފުލުހުން ބުނެފައިވަނީ ޑޮލަރު ހޯދަ ދޭނެ ކަމަށް ބުނެ މަކަރާއި ހީލަތުން ފައިސާ އަތުލަމުންދާ މީހުން ހަރަކާތްތެރިވަނީ ސޯޝަލް މީޑިއާގެ އެކި ޕްލެޓްފޯމްތަކުގައި ކަމަށެވެ.
އެގޮތުން ވައިބަރގެ ކޮމިއުނިޓީ ގްރޫޕްތައް މެދުވެރިކޮށް ޑޮލަރު ވިއްކާކަމަށް އިޝްތިހާރުކޮށް ފައިސާ އަތުލަމުންދާކަން ފާހަގަކުރެވިފައިވާ ކަމަށެވެ.
އެހެންކަމުން މިފަދަ ކުށުގެ ޝިކާރައަކަށް ވުމުން ރައްކާތެރިވުމަށްޓަކައި އޮތޮރައިޒްޑް މަނީ ޗޭންޖަރސް މެދުވެރިވެގެން ނޫނީ މިފަދަ މުއާމަލާތްތައް ނުހިންގުމަށް މޯލްޑިވްސް ޕޮލިސް ސަރވިސްއިން އިލްތިމާސްކުރާކަމަށެވެ.
ކޮވިޑުގެ ހާލަތާއި ގުޅިގެން، ބައެއް ވިޔަފާރިވެރިންނަށާއި އާންމުންނަށް ބޭނުންވާ ޑޮލަރު ނުލިބޭ ކަމުގެ އަޑުތައް ވަނީ ގަދަވެފައެވެ. މިކަމާއި ގުޅިގެން މޯލްޑިވްސް މަނިޓަރީ އޮތޯރިޓީން ބުނެފައިވަނީ، ރާއްޖޭގެ ބާޒާރަށް ބޭނުންވާ ވަރަށް ޑޮލަރު ލިބޭނެ ކަމަށެވެ. އެމްއެމްއޭއިން މިހެން ބުނި ނަމަވެސް، ކަޅު ބާޒާރުގައި ޑޮލަރުގެ އަގުތައް ހުރީ 20ރ. އާއި 18ރ. އާ ދޭތެރޭގައި ކަމަށް ވަނީ މައުލޫމާތު ލިބިފައެވެ.
