އަލީ ވަހީދު ދިރިއުޅުއްވާ ގެޔަށް ފުލުހުން ވަނީ ޕާސްޕޯޓް ހިފަހައްޓާ، އަމުރު ހަވާލުކުރުމަށް!
12 ޖުލައި 2020 | އާދީއްތަ 10:35ފުލުިހުން އެގެއަށް ވަދެފައިވަނީ 3:30 ހާއިރު
ރައީސް ސޯލިހު އަރިހުގައި ކުރީގެ ޓޫރިޒަމް މިނިސްޓަރ އަލީ ވަހީދު
ކުރީގެ ޓޫރިޒަމް މިނިސްޓަރ އަލީ ވަހީދުގެ ޕާސްޕޯޓް ހިފަހައްޓައިފި އެވެ.
އިތުބާރުހުރި މަސްދަރަކުން ރާއްޖެޓީވީއަށް މައުލޫމާތު ލިބިފައިވާގޮތުގައި ކުރީގެ މިނިސްޓަރ އަލީ ވަހީދު ދިރިއުޅުއްވާ ގެޔަށް އާދިއްތަ ދުވަހު ފުލުހުން ވަދެފައިވެއެވެ. އަދި ފުލުހުން އެ ގެޔަށް ވަދެފައިވަނީ އަލީ ވަހީދުގެ ޕާސްޕޯޓް ހިފަހައްޓާ، ކޯޓު އަމުރު ހަވާލުކުރުމަށްކަމަށް އެނގިފައިވެއެވެ.
ކޯޓު އަމުރު ހަވާލުކުރުމަށް، ފުލުހުން އަލީ ވަހީދު ދިރިއުޅުއްވާ ގެޔަށް ވަދެފައިވަނީ މެންދުރުފަހު 3:30 ހާއިރު އެވެ.
އަލީ ވަހީދު ޓޫރިޒަމް މިނިސްޓްރަަކަމުން ވަކި ކޮށްފައިވަނީ އެ މިނިސްޓްރީގެ މުވައްޒަފުންތަކަކަށް ޖިންސީ ގޯނާކުރި ކަމުގެ ތުހުމަތުތަކާއި ގުޅިގެންނެވެ. އަލީ ވަހީދު އަށް ތުހުމަތުތައް ކުރި މުވައްޒަފުން ބުނާ ގޮތުން، އެ މުވައްޒަފުންނަށް ޖިންސީ ގޯނާކުރާތާ ގިނަ ދުވަސްތަކެއް ވަނީ ވެފައެވެ.
ޖިންސީ ގޯނާ ކޮށްފައިވަނީ މިނިސްޓްރީގެ ދަތުރުތަކުގައި ރިސޯޓުތަކަށް ގެންގޮސްގެން ކަމަށް ވެސް މިނިސްޓްރީގެ މުވައްޒަފުން ބުނެއެވެ. އެކަންތައްތައް ތަހައްމަލު ނުކުރެެވިގެން އެވާހަކަ ރައީސް ސޯލިހުއާ ހިއްސާ ކުރެއްވުމުން އެމަނިކުފާނު ކީރިތި ކުރެއްވި ކަމަށް ޓޫރިޒަމް މިނިސްޓްރީގެ އޮފިޝަލަކު ވަނީ ވިދާޅުވެފައެވެ.
އެކަމާއި ގުޅިގެން އަލީ ވަހީދު ވިދާޅުވެފައިވަނީ ހަގީގަތް ފަހުން ހާމަވާނެ ކަމަށެވެ.
