މީޑިއާތައް ޖޫރިމަނާ ކުރުމަށް މަޖިލީހުން ޕްރެޝަރު ކުރި ވާހަކަ މެމްބަރު ރޮޒެއިނާ ދޮގު ކުރައްވައިފި
10 ޖުލައި 2020 | ހުކުރު 10:30މީޑިއާގެ މިނިވަންކަމާއި، ކަނޑައެޅިގެން ދޮގުކަން އެނގިހުރެ ދޮގު ޚަބަރު ލިޔެގެން ފެތުރުމަކީ ދެކަމެއް
މިނިވަން މުއައްސަސާތަކާ ބެހޭ ކޮމެޓީގެ މުގައްރިރު އައްޑޫ މީދޫ ދާއިރާގެ މެންބަރު ރޮޒައިނާ އާދަމް
މީޑިއާތައް ޖޫރިމަނާ ކުރުމަށް މިނިވަން މުއައްސަސާތަކާ ބެހޭ ކޮމެޓީން މީޑިއާ ކައުންސިލްއަށް ޕްރެޝަރު ކުރި ކަމަށް ދެކެވޭ ވާހަކަތައް އެ ކޮމިޓީގެ މުގައްރިރު އަދި އައްޑޫ މީދޫ ދާއިރާގެ މެންބަރު ރޮޒައިނާ އާދަމް ދޮގު ކުރައްވައިފިއެވެ.
މެންބަރު ރޮޒައިނާ އާދަމް ވިދާޅުވީ މީޑިއާގެ މިނިވަންކަމާއި،ކަނޑައެޅިގެން ދޮގުކަން އެނގިހުރެ ދޮގު ޚަބަރު ލިޔެގެން ފެތުރުމަކީ ދެރަކަމެއް ކަމަށެވެ. އަދި ދޮގު ފެތުރުމަކީ މިޑީއާގެ މިންވަން ކަމެއް ނޫން ކަމަށާއި، އެކަން ކުރުމުން ފިޔަވަޅު އެޅެން ވެސް ޖެހޭ ކަމަށް މެމްބަރު ރޮޒެއިނާ ވިދާޅުވިއެވެ.
މެމްބަރު ރޮޒެއިނާ ވިދާޅުވީ ދޮގު ޚަބަރު ފަތުރުމާ ގުޅިގެން ކޮމެޓީގައި މަޝްވަރާ ކުރެވުނީ މީގެ ދުވަސްކޮޅެއް ކުރިން ކޮވިޑާ ގުޅިގެން ދޮގު ޚަބަރު ޝާއިއު ކުރާ މައްސަލާގައި ކަމަށެވެ.
މީޑިއާތަކުން ކިތަންމެ ވަރަކަށް ދޮގު ޚަބަރު ފެތުރިޔަސް މީޑިއާ ކައުންސިލަށް އެޅޭނެ ފިޔަވަޅެއް ނެތް ކަމަށް މީގެ އެތައް މަހެއް ކުރިން ކޮމެޓީގައި މީޑިއާ ކައުންސިލުން ބުނެފައިވާކަން ފާހަގަކުރައްވައި މެމްބަރު ރޮޒެއިނާ ވިދާޅުވީ ގުޅިގެން ވިލިމާލޭ ދާއިރާގެ މެމްބަރު އަހުމަދު އުޝާމު މީޑިއާތައް ޖުރިމަނާ ކުރެވޭ ގޮތަށް ގަވާއިދެއް ހެދޭނެ ކަމަށް ވިދާޅުވެފައިވާ ކަމަށެވެ. އަދި އެކަމާ ގުޅިގެން ގަވާއިދު ބަދަލުކޮށްފައި ކޮމެޓީގައި ހިއްސާކުރާނެ ކަމަށް މީޑިއާ ކައުންސިލުން ބުނެފައިވާ ކަމަށް ވެސް މެމްބަރު ރޮޒެއިނާ ވިދާޅުވިއެވެ.
މެމްބަރު ރޮޒެއިނާ ވިދާޅުވީ ރޭޕް ކޭސްއަކާ ގުޅުވައިގެން މީޑިއާއެއް ޖޫރިމަނާ ކުރުމަށް އަންގާފައިނުވާ ކަމަށާއި، ރޭޕް ކޭސްއާ ގަވާއިދުތަކާ ގުޅުމެއް ނެތް ކަމަށެވެ.
މީޑިއާތައް ޖޫރިމަނާ ކުރުމަށް މިނިވަން މުއައްސަސާތަކާ ބެހޭ ކޮމެޓީން މީޑިއާ ކައުންސިލްއަށް ޕްރެޝަރު ކުރި ކަމަށް ދެކެވޭ ވާހަކަތައް މެމްބަރު ރޮޒެއިނާ ދޮގުކުރައްވާފައި މިވަނީ ހުޅުމާލޭ ފަޅުގައި އަޅާފައި އޮތް ސަފާރީއެއްގައި ބޭރުގެ އަންހެނަކު ރޭޕްކުރި މައްސަލައާ ގުޅިގެން އެކި ގޮތްގޮތަށް ބައެއް ނޫސްތަކުގައި ޚަބަރުތައް ފެތުރުމާއި ގުޅިގެން މީޑިއާތަކަށް ފިޔަވަޅު އެޅޭ ގޮތް ހެދުމަށް މަޖިލީހުން މީޑިއާ ކައުންސިލަށް އަންގާފައިވާ ކަމަށް ރިޕޯޓު ކޮށްފައިވަނިކޮށެވެ.
