ކޮވިޑަށް މިއަދު ޕޮޒިޓިވްވި 36 މީހުންގެ ތެރެއިން 33 މީހުންނަކީ ދިވެހިން
9 ޖުލައި 2020 | ބުރާސްފަތި 18:27ރާއްޖެއިން މިހާތަނަށް ކޮވިޑް-19 ޖެހިފައި ވަނީ 2553 މީހަކަށް
ކޮވިޑް-19 އަށް ޓެސްޓް ކުރުމަށް ސާމްޕަލް ނަގަނީ
ކޮވިޑް-19ށް އިތުރު 36 މީހަކު ޕޮޒިޓިވް ވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުރާސްފަތި ދުވަހުގެރޭ ކޮށްފައިވާ ޓުވީޓެއްގައި ބުނެފައިވަނީ ބުދަ ދުވަހުގެ 18:00ން ފެށިގެން ބުރާސްފަތި ދުވަހުގެ 18:00އާ ހަމައަށް ޕޮޒިޓިވްވި މީހުންގެ ތެރޭގައި ހިމެނެނީ 33 ދިވެހިންނާއި ބަންގްލަދޭޝްގެ ދެ މީހަކާއި އިންޑިއާ މީހެއް ކަމަށެވެ.
އެޗްއީއޯސީން މައުލޫމާތު ލިބިފައިވާ ގޮތުގައި، އަލަށް ފެނުނު ކޭސްތަކުގެ ތެރެއިން 14 ކޭސްއަކީ ކުރިން ފެނުނު އެއްވެސް ކޭސްއަކާ ގުޅުމެއް ނެތް އިންޑިޕެންޑެންޓް ކޭސްތަކެއް ކަމަށެވެ.
ރާއްޖެއިން މިހާތަނަށް ކޮވިޑް-19 ޖެހުނު މީހުންގެ އަދަދު ވަނީ 2553ށް އަރާފައެވެ. މީގެ ތެރެއިން 2227 މީހަކު ވަނީ ބަލިން ފަސޭހަވެފައެވެ. މި ވަގުތު ފަރުވާދެމުން އަންނަނީ 306 މީހަކަށެވެ. މި ބަލީގައި ރާއްޖެއިން މަރުވެފައިވަނީ 13 މީހެކެވެ.
