ބީއެމްއެލްގެ އިދާރީ މުވައްޒަފަކު ކޮވިޑަށް ޕޮޒިޓިވްވެއްޖެ
ބީއެމްއެލްގެ އިދާރީ މުވައްޒަފަކު ކޮވިޑަށް ޕޮޒިޓިވްވީ ބުދަ ދުވަހު
ބޭންކް އޮފް މޯލްޑިވްސް
ބޭންކް އޮފް މޯލްޑިވްސް (ބީއެމްއެލް) ގެ އިދާރީ މުވައްޒަފަކު ކޮވިޑް-19 އަށް ބުދަ ދުވަހު ޕޮޒިޓިވްވެއްޖެއެވެ.
މިކަމާއި ގުޅިގެން ބީއެމްއެލުން ބުނީ ޕޮޓިވްވެފައިވާ މުވައްޒަފަކީ ސީޓްރެކްސް އިމާރާތުގައި ހުންނަ ބޭންކުގައި މަސައްކަތް ކުރާ މުވައްޒަފެއް ކަމަށެވެ. އަދި ހެލްތް ޕްރޮޓެކްޝަން އެޖެންސީ (އެޗްޕީއޭ) އާ ގުޅިގެން ކޮންޓެކްޓް ޓްރޭސިންގ ހެދުމުގެ މަސައްކަތް ކުރިއަށްދާ ކަމަށާއި އެ އިމާރާތުގެ އާންމު ތަންތަން ޑީޕް ކްލީންކޮށް، ޑިސްއިންފެކްޓް ކޮށްފައިވާ ކަމަށެވެ.
އެންމެ އިސްކަމެއްދެނީ ކަސްޓަމަރުންނާއި މުވައްޒަފުންގެ ރައްކާތެރިކަމަށް އިސްކަންދީގެންކަން ފާހަގަކޮށް ބީއެމްއެލުން ބުނީ ބަދަލުވަމުންދާ ހާލަތު ގާތުންބަލާ، ކަމާބެހޭ އިދާރާތަކުގެ ލަފަޔާ އިރުޝާދާ އެއްގޮތްވާ ގޮތުގެ މަތިން ބޭންކުން އަމަލު ކުރަމުންދާނެ ކަމަށެވެ.
ބީއެމްއެލުން އިތުރަށް ބުނީ މިދިޔަ މާރޗު މަހުން ފެށިގެން ބޭންކު ހިންގަމުން އަންނަނީ ބިޒްނަސް ކޮންޓިއުނިޓީ ޕްލޭން އާ އެއްގޮތްވާ ގޮތުގެ މަތިން މުވައްޒަފުން ޓީމުތަކަށް ބަހަލައިގެން ރައްކާތެރިކަމުގެ އެންމެހާ ފިޔަވަޅުތައް އަޅައިގެން ކަމަށެވެ.
ބޭންކުގެ އެންމެހާ މަސައްކަތްތައް ކުރިޔެކޭ އެއްގޮތަށް ހިންގަމުންދާނެ ކަމަށް ދާނެ ކަމަށް ބީއެމްއެލުން މައުލޫމާތުދެއެވެ.
