ތިލަފުށީގައި ހުރި ގުދަނެއްގައި އަލިފާން ރޯވެ އަނދަނީ
7 ޖުލައި 2020 | އަންގާރަ 16:12ތިލަފުށީގެ ފަޔަރ ޓީމެއް ސައިޓްގައި ދަނީ ހަރަކާތްތެރިވަމުން
އަލިފާން ރޯވެފައިވަނީ ގުދަނެއްގައި
ކ. ތިލަފުށީގައި ހުރި ގުދަނެއްގައި އަލިފާން ރޯވެއްޖެއެވެ.
އެމްއެންޑީއެފުން ބުނީ އަލިފާން ކޮންޓްރޯލް ކުރުމަށް ތިލަފުށީގެ ފަޔަރ ޓީމެއް ސައިޓްގައި ހަރަކާތްތެރިވަމުންދާ ކަމަށެވެ. އަލިފާން އަދިވެސް ކޮންޓްރޯލް ވެފައިނުވާއިރު އަލިފާން ނިއްވުމަށްޓަކައި މާލެއިން ފަޔަރ ބެކަޕް ޓީމެއް ތިލަފުއްޓަށް ދަތުރު ކުރަމުންދާ ކަމަށް އެމްއެންޑީއެފުން ބުނެއެވެ.
އެމްއެންޑީއެފުން ބުނީ، އަލިފާން ރޯވެފަިއވަނީ "ސެކިއަރ ބޭގް" ގުދަނުގައި ކަމަށެވެ. މި ހާދިސާގެ ރިޕޯޓް ލިބިފައިވަނީ މިރޭ 20:24 ގައިކަމަށް އެމްއެންޑީއެފުން ބުންޏެވެ.
އެމްއެންޑީއެފުން ބުނީ އަލިފާން ފެތުރުނަ ނުދިނުމަށްޓަކައި ފަޔަރ ޓީމުން އަންނަނީ މަސައްކަތް ކުރަމުން ކަމަށެވެ. އަދި މިހާތަނަށް އަލިފާން ރޯވެފައިވަނީ ގުދަނުގައި އެކަނި ކަމަށް އެމްއެންޑީއެފުން ބުންޏެވެ.
އެމްއެންޑީއެފުން ބުނީ އަލިފާންގަނޑުގެ 90 އިންސައްތަ ކޮންޓްރޯލްކުރެވިފައިވާކަމަށެވެ.
ތިލަފުއްޓަކީ ކުނި ނައްތާލުމުގެ އިތުރުން ސިނާއީ ގިނަ މަސައްކަތްތައް ކުރަމުންދާ ރަށެކެވެ.
