ހުރަވީ ސްކޫލުގެ ސީނިއަރ މެނޭޖްމެންޓް ސްޓާފެއް ކޮވިޑް-19ށް ޕޮޒިޓިވްވެއްޖެ
4 ޖުލައި 2020 | ހޮނިހިރު 22:59ސްކޫލަށް ވެސް ދެދުވަހު ނުކުތް
ހުރަވީ ސްކޫލު، ރާއްޖޭގައި މިހާތަނަށް ތަރައްގީކުރި އެންމެ ބޮޑު ސްކޫލް
ހުރަވީ ސްކޫލުގެ ސީނިއަރ މެނޭޖްމެންޓް ސްޓާފެއް ކޮވިޑް-19ށް ޕޮޒިޓިވްވެއްޖެއެވެ.
ހޮނިހިރު ދުވަހުގެ ރޭ އެޗްއީއޯސީގައި ބޭއްވި ނޫސްވެރިންގެ ބައްދަލުވުމުގައި ހެލްތް ޕްރޮޓެކްސަން އެޖެންސީ (އެޗްޕީއޭ) ގެ ޑރ. ނަޒްލާ ރަފީގު ވިދާޅުވީ ސްކޫލެއްގެ ސީނިއަރ މެނޭޖްމެންޓެއްގެ ސްޓާފެއް ހޮނިހިރު ދުވަހު ޕޮޒިޓިވްވެފައިވާ ކަމަށާއި، އޭނާ ސްކޫލަށް ވެސް ދެ ދުވަހު ނުކުތް ކަމަށެވެ.
ޑރ.ނަޒްލާ ވިދާޅުވީ ކޮންޓެކްޓް ޓްރޭސިންގެ ތެރެއިން ފާހަގަކުރެވުނީ އެންމެ ތިން ސްޓާފުން ކަމަށާއި، އެމީހުން ކަރަންޓީން ކުރެވިފައިވާ ކަމަށެވެ.
ޑރ. ނަޒްލާ ވިދާޅުވީ އާދިއްތަ ދުވަހު ސަރުކާރުގެ އޮފީސްތައް ހުޅުވާލާއިރު، އިޖްތިމާއީ ގައިދުރުކާމާއި، މާސްކް އުޅުމުގެ އިތުރުން ރައްކާތެރިކަމުގެ ފިޔަވަޅުތައް އަޅައިފިކަމުގައިވާނަމަ ބަލި ފެތުރޭ މިންވަރު ވަރަށް ކުޑަވާނެ ކަމަށެވެ. އަދި ކޮންޓެކްޓުންގެ ގޮތުގައި ފާހަގަކުރެވޭ މީހުން ވެސް ވަރަށް ބޮޑުތަން މަދުވާނެ ކަމަށް ޑރ.ނަޒްލާ ވިދާޅުވިއެވެ.
