ލަންކާގައި ތިބި ދިވެހިން ރާއްޖެ ގެނައުމަށް ޚާއްސަ ފްލައިޓެއް ބާއްވަނީ
30 ޖޫން 2020 | އަންގާރަ 14:18މި ފްލައިޓް ބޭއްވުމަށް ހަމަޖެހިފައިވަނީ ޖުލައި 2 ގައި
މޯލްޑިވިއަންގެ ފްލައިޓެއް
ސްރީލަންކާގައި ތިބި ދިވެހިން ރާއްޖެ ގެނައުމަށް ޚާއްސަ ފްލައިޓެއް ބޭއްވުމަށް ހަމަޖައްސައިފިއެވެ.
ފޮރިން މިނިސްޓްރީން ބުނީ މިފެށޭ ޖުލައި މަހުގެ 2 ވަނަ ދުވަހު ސްރީލަންކާގައި ތިބި ދިވެހިންގެ ތެރެއިން ރާއްޖެ އަންނަން ބޭނުންވާ ފަރާތްތަކަށް ރާއްޖެއަށް އައުމަށް ބާއްވާ ޚާއްސަ ފްލައިޓެއް ކޮލޮމްބޯއިން މާލެ އަންނާނެ ކަމަށެވެ.
މޯލްޑިވިއަންގެ މި ފްލައިޓްގައި 200 ދިވެހިން ގެނައުމަށް ޖާގަ ލިބޭނެ ކަމަށާއި މި ފްލައިޓްގައި ރާއްޖެ އަންނަން ބޭނުންވާ ދިވެހިން ލަންކާގައި ހުންނަ ދިވެހިރާއްޖޭގެ ހައިކޮމިޝަނަށް ގުޅައިގެން އިންތިޒާމްތައް ހަމަޖެހޭނެ ކަމަށެވެ.
ރާއްޖެ އަންނަން ބޭނުންވެގެން ހައިކޮމިޝަނަށް އަންގަވާފައިވާ ފަރާތްތަކަށް ފްލައިޓާ ބެހޭ މައުލޫމާތު ހައިކޮމިޝަނުން ފޯރުކޮށްދެމުން ދާނެ ކަމަށް ފޮރިން މިނިސްޓްރީން މައުލޫމާތު ދެއެވެ.
ކޮވިޑް-19 އާ ގުޅިގެން ލަންކާގައި ތާށިވެފައި ތިބި ދިވެހިން ގެނައުމަށް މީގެ ކުރިންވެސް ވަނީ ފްލައިޓްތައް ބާއްވާފައެވެ.
